Tilgjengelegheitserklæring
Alle nettløysingar ved HVL som vert brukt i undervisning eller informasjonsformidling retta mot studentar eller offentlegheita, er pålagd ved lov å ha tilgjengelegheitserklæringar (Forskrift om universell utforming av IKT-løsninger, 2013, § 4e). Ei tilgjengelegheitserklæring er verksemda si eiga vurdering av i kva grad nettstaden etterlever krava til universell utforming av IKT. Tilgjengelegheitserklæringane skal oppdaterast årleg (Forskrift om universell utforming av IKT-løsninger, 2013, § 4e).
Brot på universell utforming (WCAG 2.1) eller fråvær av tilgjengelegheitserklæring kan føre til pålegg om retting og dagbøter (Forskrift om universell utforming av IKT-løsninger, 2013, § 6 og § 7).
Kva må verksemda di gjere for å fylle ut ei tilgjengelegheitserklæring?
Kva skal ha tilgjengelegheitserklæring?
Nettløysingar som HVL er ansvarlege for og som vert brukt i undervisning eller til informasjonsformidling retta mot studentar eller offentlegheita. Kravet gjeld eigenutvikla, leverandørkjøpte og gratisløysingar, samt mobilappar. Nettløysingar kan være pedagogisk programvare, nettside, nettskjema og anna. Døme for aktuelle nettløysningar er hvl.no, Canvas og MHFA.no.
Fagsystem eller administrative ikt-løysningar (programvare) retta mot tilsette er unntatt.
Kven er tilgjengelegheitserklæringa for?
Studentane:
- Får informasjon om brot på krava og konsekvensar dette kan føre til
- Får informasjon om kvifor verksemda ikkje følger regelverket og moglege alternativ
- Får moglegheit til å melder frå til HVL om feil og manglar til nettstaden direkte i erklæringa
HVL:
- Får eit bevisst forhold til om løysinga er tilgjengeleg
- Får hjelp til å prioritere universell utforming
- Kan bli betre på universell utforming gjennom tilbakemelding frå brukarar om problem dei møter på
- Fråvær av tilgjengeleg undervisning og informasjon kan svekkje HVL sitt omdømme
Tilsynet for universell utforming av IKT:
- Brukar tilgjengelegheitserklæringa som ein informasjonskjelde til kontroll, rettleiing, statistikk og analyse
- Brukar tilgjengelegheitserklæringa som ein status for etterleving og utval av verksemder for tilsyn
Ansvar og arbeidsoppgåver
Dekanar/prorektorar/direktørar
- Ansvarlege for at nettløysingane knytt til si linje har tilgjengelegheitserklæring og at dei årleg vert oppdaterte.
- Ansvar for tilgjengelegheitserklæring for dei enkelte nettløysingane kan delegerast til tilsette i linja. Det er ein fordel at vedkommande som har oppgåva, kjenner nettløysinga.
- Sikre at alle nettløysingar til linja er i Oversikta over HVL sine nettløysinger.
Ansvarleg for tilgjengelegheitserklæring for nettløysing
- Ansvar for å gradere nettløysinga og oppdatere oversiktsdokumentet. Graderingsskjemaet skal brukast til å vurdere om løysinga har høg, middels, låg prioritet, eller ho er unntatt frå kravet om tilgjengelegheitserklæring. Før inn gradering i oversiktsdokumentet. Graderinga er hovudsakeleg ei eingongsoppgåve, og skal nødvendigvis ikkje revurderast ved oppdateringsarbeidet til tilgjengelegheitserklæringane.
- Ansvarleg for å lage og årleg oppdatere tilgjengelegheitserklæringa. Dersom nettløysinga allereie har ei tilgjengelegheitserklæring laga av andre, til dømes leverandør, er du ansvarleg for å passe på at erklæringa årleg blir oppdatert.
- Ansvarleg for å rette opp feil i nettløysinga funne i tilgjengelegheitserklærings-arbeidet. Dersom løysinga er utvikla av andre, skal du følgje opp at leverandør rettar opp i feila.
Korleis lage ei tilgjengelegheitserklæring?
Arbeidsomfanget vil variere avhengig av storleiken til nettløysingane. Ei lita nettløysing gradert til låg kan til dømes ta 3 timar, ei større nettløysing som blir brukt av fleire studentar kan ta 7 arbeidsdagar, og ein pedagogisk programvare kan ta 14 arbeidsdagar.
Arbeidet startar med å førebu seg til testinga, t.d. kven som skal teste og tileigne seg kunnskap om krava (WCAG2.1). Vidare testast nettløyninga opp mot krava. Resultatet skal fyllast inn i eit skjema på uustatus.no, som du publiserer på nettløysninga di. Etter publiseringa jobbast det med å rette opp eventuelle brot og oppdatere tilgjengelegheitserklæringa.
Steg 1: Førebuing
Start med å avgjere kven som skal utføre testinga. Dette kan vere tilsette ved HVL, ekstern støtte (til dømes leverandør) eller ein kombinasjon av begge. Grader nettløysinga for å tileigne innsikt i om løysinga treng tilgjengelegheitserklæring, og som avgjer kva omfang testinga skal vere. Oppdater Oversikt over HVL sine nettløsninger ved å føre inn gradering og manglande informasjon.
Vel eit utval av sider som skal testast. Utvalet bør innehalde sider med ulik oppbygging og innhald slik at resultata frå testinga vert representative for heile nettløysinga. Sjå instruksjonar for sideutval på uutilsynets side om korleis lage og publisere tilgjengelegheitserklæring.
Last ned anbefalte testverktøy, som du finn i nedtrekksmenyen «Testverktøy og informasjonskjelder».
Steg 2: Teste nettløysinga
Testinga inneber å teste sideutvalet opp mot krava i regelverket (WCAG 2.1). Dersom det er tilsette på HVL vil det vere behov for å tileigne kompetanse på og forståing av dei 48 WCAG-krava. Sjå WCAG-standarden (uutilsynet) for meir informasjon om dei ulike krava. Bruk testverktøya du lasta ned. Dei resterande krava som ikkje testast av verktøya, testar du manuelt. Noter resultata undervegs i testinga i eit arbeidsdokument, slik at de har oversikt over kva krav det er brot på og kvar ein finn dei. Malen for arbeidsdokument ligg i høgre sidemal under "arbeidsdokument". Under «Gjennomgang av nokre av krava til WCAG» finn du videoar som viser korleis ein kan teste eit utval av krava.
Steg 3: Føre inn på uustatus.no
Resultata frå testinga skal førast inn på uustatus.no. Innloggingsinformasjon er Organisasjonsnummer: 917641404 og Pinkode: 2929. På Uustatus.no informerer de om kva krav det er brot på, kvifor det er brot, kven dette kan være ein utfordring for og kva konsekvens det kan ha for desse personane. Sjå døme for utfylling av brot på uutilsynets side om spørsmål i tilgjengelegheitserklæringa. Informasjonen de legg inn vert synleg i tilgjengelegheitserklæringa som publiserast, det er difor viktig å gi riktig opplysningar med tydelege formuleringar.
Vidare i skjemaet skal det leggjast til informasjon om korleis brukaren kan ta kontakt dersom de møter på brot. Døme på slik informasjon kan vere e-post til teamet ditt, lenke til eit digitalt skjema eller eit telefonnummer.
Steg 4: Publisere tilgjengelegheitserklæringa
Når skjemaet på uustatus er utfylt blir det generert ein URL. Denne skal publiserast godt synleg på framsida til den aktuelle nettstaden, helst i footeren.
Steg 5: Vidare arbeid
Etter tilgjengelegheitserklæringa er publisert, er det viktig å fortsette å rette opp brot på krava. Dersom det er brot knytt til strukturen i nettløysinga er dette aktuelt å be leverandør om å rette opp problemet innan rimeleg tid. Ved brot på krav som gjeld innhald i nettløysinga er dette noko som må utbetrast i samarbeid med innhaldsansvarleg. Etter kvart som brot blir retta opp skal tilgjengelegheitserklæringa oppdaterast.
Steg 6: Oppdatere tilgjengelegheitserklæringa
Tilgjengelegheitserklæringa er lovpålagt til å oppdaterast minst ein gong i året, og etter større endringar av nettløysinga. Oppdatering inneber å teste nye funksjoner, som t.d. etter oppdateringar, retting av brot, eller det som ikkje blei inkludert i førre testutval. Etter ein har testa dette loggar ein seg inn på uustatus og endrar innhaldet i den eksisterande tilgjengelegheitserklæringa. Endringane vil ikkje være synleg i den publiserte erklæringa mens ein jobbar. Det vil først bli synleg når ein trykkar produser i det siste steget.
Sjå uutilsynet sin side om Korleis lage og publisere tilgjengelegheitserklæring for meir informasjon.
Erklæring produsert av leverandør
Leverandør lagar tilgjengelegheitserklæringa:
Ved anskaffing av nye nettløysingar tilrår vi å få med i avtalen at leverandøren skal produsere tilgjengelegheitserklæringa for nettløysinga.
Særleg for nettløysingar vurdert til høg eller middels: Ta stikkprøver av nettløysinga for å sjekke om erklæringa til leverandøren stemmer.
Leverandøren har kunngjering av løysingas tilgjengelegheit:
Kontakt leverandøren og høyr om dei har informasjon om nettløysinga si tilgjengelegheit. Døme på slik informasjon kan vere eit "Accessibility statement" eller ein "Voluntary Product Accessibility Template (VPAT)". Denne informasjonen kan du bruke i di erklæring.
Særleg for nettløysingar vurdert til høg eller middels: Ta stikkprøver av nettløysinga for å sjekke om vurderinga til leverandøren stemmer.
Testverktøy og informasjonskjelder
Her er nokon nyttige ressursar for arbeidet med tilgjengelighetserklæring
Testverktøy
- WaveEvaluation Tool (ekstern lenke)
- Colour Contrast Checker (ekstern lenke)
- Siteimprove (ekstern lenke)
- Text Spacing Editor (ekstern lenke)
Nyttige lenker
Presentasjoner
Introduksjon om tilgjengelighetserklæring, 7. september 2023.pptx (4,1 MB)
Gjennomgang av nokre av krava til WCAG 2.1
I samarbeid med HK-dir og Bouvet vert det halde workshops der dei introduserte nokre av krava til WCAG 2.1. Det var tre sesjonar, der del 1 og del 2 vart halde av hk-dir på eit grunnleggjande nivå. Del 3 vart presentert av Bouvet og har eit meir teknisk nivå.
I rullegardinene finn du notat og videoar frå dei ulike sesjonane. Del 1 har ikkje videoopptak. Materialet kan brukast som støtte til dei punkta i tilgjengelegheitserklæringa der ein treng fagleg påfyll for å forstå kravet.
Notat frå workshop del 1, HK-dir
Workshop del 1
På den fyste workshopen gjekk HK-dir gjennom temaa tastaturnavigasjon, lenker, bilete, kontrast, tekst og koding av overskrifter og listar. Her finn du presentasjonen til hk-dir med notat frå workshop del 1 (PDF).
Krava dei gjekk innom var:
- 2.1.1 Tastatur,
- 2.4.7 Synleg fokus,
- 2.4.3 Fokusrekkefølge,
- 2.4.1 Hoppe over blokker,
- 2.1.2 Ingen tastaturfelle,
- 1.4.1 Bruk av farge,
- 2.4.4 Formål med lenke (i kontekst),
- 1.1.1 Ikkje-tekstleg innhald,
- 1.4.3 Kontrast,
- 1.4.4 Endring av tekststørrelse,
- 1.4.12 Tekstavstand,
- 1.3.1 Informasjon og relasjonar.
Videoar og notat frå workshop del 2, HK-dir
Workshop del 2
På workshop del 2 gjekk dei gjennom temaa mobil og navigasjon, tastaturnavigasjon, feilmeldingar i skjema, koding av skjema og koding av språk. Her finn du presentasjonen til hk-dir workshop del 2 med notat (PDF). Denne blei og filma. Sjå videoane under.
Krava dei gjekk innom var:
- 2.5.1 Peikarbevegelse
- 2.5.2 Peikaravbryting
- 3.2.1 Fokus
- 3.2.2 Inndata
- 3.3.1 Identifikasjon av feil
- 3.3.3 Forslag ved feil
- 4.1.2 Namn, rolle, verdi
- 1.3.1 Informasjon og relasjonar
- 2.5.3 Ledetekst i namn
- 1.3.5 Identifiser formål med inndata
- 3.1.1 Språk på sida
- 3.1.2 Språk på deler av innhald
Videoar og notat frå workshop del 3, Bouvet
Workshop del 3
På workshop del 3 gjekk Bouvet innom nokon av dei meir tekniske krava. Her finn du presentasjonen til Bouvet (PDF).
Krava dei gjekk innom var:
- 1.1.1 Ikke-teksleg innhold
- 1.3.1 Informasjon og relasjoner
- 1.4.13 Pekerfølsomt innhold
- 2.1.4 Hurtigtaster som består av ett tegn
- 2.4.6 Overskrifter og ledetekster
- 3.2.4 Konsekvent identifikasjon
- 3.3.2 Ledetekst eller instruksjoner
- 4.1.1 Parsing
- 4.1.2 Navn, rolle, verdi
- 4.1.3 Statusbeskjeder
Skjermleser for UU-testing
I disse videoene kan du se et eksempel på Canvas-app-testing med iOS- og Android-skjermlesere.
Part 1:
Part 2:
Part 3:
Part 4:
Part 5:
Nytt prosjekt?
Skal du starte eit forskingsprosjekt som skal ha ein nettside utanfor HVL sine løysingar? Hugs å sette av pengar dersom det er leverandør eller eksterne som skal lage tilgjengelegheitserklæringa.
Kontakt oss
Ta gjerne kontakt på vår e-postadresse: universell@hvl.no