Studieprogramråd

Studieprogramråda skal gje studieprogramansvarleg og fakultetsleiing råd om utvikling av kvaliteten i studieprogramma og læringsmiljøet.

Mandat

Felles mandat for alle studieprogramråd

Studieprogramråd skal gje dekan, institutt- og studieprogramleiing råd om:

  1. Kvalitetsutvikling av studieprogramma slik at desse held høg kvalitet og relevans, har god rekruttering og gjennomstrøyming og tilfredsstiller forskrifter og rammeplanar,
  2. Korleis kontaktflatene til ulike eksterne aktørar som har relevans for studieprogramma kan vidareutviklast,
  3. Utvikling av det overordna læringsmiljøet ved studieprogrammet,
  4. Val av oppfølgingsform for studieprogrammet.

Medlemmer

Tal medlemmer frå dei ulike gruppene blir fastsett for kvart einskilt studieprogramråd. Dersom ein ynskjer det, kan ein ha andre funksjonar inn i studieprogramrådet, som t.d. institutt-/fakultetsleiing. Ved oppnemning skal campus og kjønnsbalanse ivaretakast. Alle medlemmer skal ha vara.

  • Studieprogramansvarleg
  • Fagleg tilsette
  • Studentar
  • Eksterne; representant (ar) frå samfunns-og arbeidsliv og /eller andre universitet og høgskular 
  • Administrativt tilsett(e)

Normalt leiar studieprogramansvarleg studieprogramrådet. Dersom fleire studieprogram er knytt til studieprogramrådet, utnemner dekan leiar. Ein av dei administrativt tilsette har sekretærfunksjon. Leiar og sekretær sett opp saksliste for møta i fellesskap.

Årshjul

Sakene i årshjulet for studieprogramrådet er knytt til krava i rammeverket for systematisk arbeid med kvalitet i utdanningane ved HVL. Ein fastsett tal møter og tidspunkt for handsaming av dei ulike sakane for kvart einskild studieprogramråd.

Studieprogramansvarleg skal kvart studieår leggje fram ei sak for studieprogramrådet der ein drøftar korleis ein følgjer opp studieprogrammet og emna. Saka skal innehalde følgjande vurderingar:

  • Val av oppfølgingsform på studieprogram- og emnenivå
  • Rulleringsplan for anonyme undersøkingar
  • Rulleringsplan for ekstern sensur
  • For studium med praksis: krav til førebuing, avtalar, vurdering og oppfølging av praksis
  • Vurdering av om det er behov for særskilt oppfølging på enkeltområde med bakgrunn i resultat og tilbakemeldingar frå studentar, fagtilsette og arbeidsliv/praksisfelt.

 

Godtgjersle

Studentar og eksterne vert honorert for deltaking i studieprogramrådet. 
Les meir om retningslinjer for honorar og lønn her. 

 

Mandat frå og med 1.8.2025

Utdanningsutvalet i HVL har i møte 13.2.2025 vedtatt nytt mandat og årshjul for studieprogramråd, som er gjeldande frå og med 1.8.2025.

 

Mandat

Felles mandat for alle studieprogramråd

Alle studieprogram i HVL skal vere tilknytt eit studieprogramråd. Studieprogramrådet skal gje dekan, institutt- og studieprogramleiing råd om kvalitetsutvikling av studieprogramma. I løpet av året skal rådet gå gjennom relevante evalueringar og studentdata, drøfte og gi råd om tiltak for å betre gjennomstrøyming og læringsmiljø på studieprogramma. Gjennom eksterne medlemmer skal rådet også få innspel og diskutere  arbeidslivsrelevansen i utdanninga.   

Dekan kan legge inn tilleggspunkt i mandatet for kvart enkelt studieprogramråd.

Medlemmer

Tal medlemmer frå dei ulike gruppene blir fastsett for kvart einskilt studieprogramråd.

Ved oppnemning skal campus og kjønnsbalanse ivaretakast, og det bør sørgast for at forholdet mellom interne medlemmer og eksterne/studentar er så balansert som mogeleg.

Rådet skal alltid ha desse funksjonane representert:

  • Studieprogramansvarleg
  • Vitskapleg tilsette
  • Studentar[1]
  • Eksterne[2]
  • Administrativt tilsett(e)

Ved behov kan andre funksjonar oppnemnast i tillegg.

Dekan utnemner leiar for studieprogramrådet. Ein av dei administrativt tilsette har sekretærfunksjon. Leiar og sekretær sett opp saksliste for møta i fellesskap. Referat frå møta vert lagt i arkivsystemet og sendt til institutt- og fakultetsleiing til orientering.

[1] Utvalde studenttillitsvalde representerer studentane i studieprogramrådet. I studieprogramråd som dekkjer fleire studieprogram bør ein etterstrebe at det er studentrepresentantar frå alle studieprogram som faste representantar eller vararepresentantar. Ein kan då velje å gi vararepresentantane møterett.

[2] Eksterne skal vere representant(ar) frå praksisfeltet eller samfunns- og arbeidslivet. Eksterne representantar frå UH-sektoren kan delta i tillegg.

Årshjul og saker

Sakene i årshjulet for studieprogramrådet er knytt til krava i HVL sitt kvalitetssystem.  Tal møter og tidspunkt for handsaming av dei ulike sakane vert fastsett for kvart studieprogramråd.   

Sak

 Tidspunkt

Diskusjon og innspel om behov for endringar i emne- og studieplanar basert på emneevalueringar/ rapportar, andre innspel frå studentar og tilsette, arbeidsliv/praksisfelt.

Haust

Gjennomgang av data knytt til rekruttering, gjennomstrømming og kandidatproduksjon. Drøfting av behov for  tiltak.

Haust

Gjennomgang og drøfting av resultat og oppfølging av handlingsplan frå periodiske evalueringar

Haust (ny evaluering om lag kvart 5. år)

Vurdering av resultat frå studiebarometeret og evt. andre student- og kandidatundersøkingar

Vår

Drøfte læringsmiljøet på studieprogrammet og vurdere om det er behov for tiltak

Vår

 

 

Godtgjersle

Studentar og eksterne vert honorert for deltaking i studieprogramrådet. 
Les meir om retningslinjer for honorar og lønn her.