Seminar om andrespråksdidaktikk
Tid: 5. desember 2024 fra kl. 11 –18 på HVL, campus Bergen
Velkomen til seminar om andrespråksdidaktikk på Høgskulen på Vestlandet, campus Bergen 5. desember. Seminaret er knytt til tre andrespråksdidaktiske tema:
- Grammatikkundervisning
- Fleirspråklege praksisar
- Norskspråkleg variasjon
Temaa vil bli utforska i lys av det transdisiplinære rammeverket til Douglas Fir Group (2016) som utviklar eit meir heilskapleg perspektiv på andrespråksdidaktikk, som inkluderer både språk, språkbruk, språkbrukarar og rammene rundt på institusjons- og samfunnsnivå. Seminaret vil gi innblikk i både kognitive, sosiolingvistiske og didaktiske tilnærmingar til forsking på andrespråksopplæring. Med mål om å byggja meir kunnskap om andrespråksopplæring, vil dette seminaret drøfta forskingsfunn knytt til undervisning, læring og vilkår for opplæringa i lys av ulike teoretiske og didaktiske perspektiv, som t.d. bruksbaserte perspektiv, agency, transspråking og teoriar om språkhaldningar og språkideologi.
Seminaret inneheld innlegg og diskusjonar i tråd med skildringa over, og vi inviterer alle interesserte tilhøyrarar til å delta.
Praktisk info
Seminaret vert arrangert på Høgskulen på Vestlandet, campus Kronstad i bygget K2 nærmast Bybanestoppet, rom M307.
Slik kjem du deg til campus Kronstad Vi oppfordrar deltakarane til å bruke kollektivtransport.
Konferansen er gratis
Enkel lunsj og kaffipausar er inkludert. Det blir registrering og kaffe ved ankomst ved inngang M. Talet på plassar er avgrensa.
Hotellovernatting?
Vi har reservert nokre rom på Zander K Hotel frå 5.-6.desember 2024:
- Enkeltrom med frokost kr. 950,-
- Dobbeltrom med frokost kr. 1250,-
Kontakt hotellet direkte på epost eller telefon innan 31.10.2024 for bestilling:
resepsjon@zanderk.no eller (+47) 55362041 eller (+47) 55362045. Oppgi bestillingsnr. 258592. Rommet betalast direkte til hotellet før avreise.
Info om Bergen
Sjå Visit Bergen sine nettsider for meir informasjon om korleis komme seg til Bergen. Her finn du også tips til kva du kan finne på om du har litt ekstra tid mens du er her.
Lurer du på noe? Ta kontakt med oss i komiteen:
