Opptakskrav og søknad
Opptakskrav
- Relevant yrkesretta bachelorgrad
- To år yrkespraksis (tilsvarande fulltid)
eller
- Relevant fagbrev, sveinebrev eller treårig yrkesutdanning frå VGS
- Generell studiekompetanse
- To år yrkesteoretisk utdanning
- Fire år yrkespraksis (tilsvarande fulltid)
Utdanning og praksis må vere relevant for fagprofilen du søker opptak til.
Yrkespraksis er arbeidserfaring innan yrket du er utdanna til. Arbeid som lærar dekkjer ikkje kravet.
Yrkesteoretisk utdanning skal bygge på fag-/sveinebrevet ditt og vere på høgare nivå enn vidaregåande skule, f.eks. fagskule eller høgare utdanning.
Sjå opptak til PPU for informasjon om realkompetanse.
Poenggrense ved forrige opptak
-
Poenggrenser:
Helse- og oppvekstfag, Bergen: 27,14
Samtlege andre fagprofilar: Alle kvalifiserte
Om å søke opptak til HVL
Kvifor velge PPU?
Behovet for lærarar er stort. Denne utdanninga gjer deg kvalifisert til eit sikkert yrke med god startløn. Som lærar får du ein meningsfylt, variert og sosial arbeidskvardag der du kan bruke mange sider ved deg sjølv. Du får moglegheit til å fodjupe deg i spanande fagområder og ein fleksibel jobb med gode ferieordningar.
Du kan ta PPU for yrkesdag ved campus Stord, campus Sogndal og campus Bergen.
Studieprogrammet tek utgangspunkt i ei forståing av profesjonskompetanse som inkluderer yrkesdidaktiske, pedagogiske og etiske kunnskapsformer. Det består av 30 studiepoeng pedagogikk og 30 studiepoeng yrkesdidaktikk. Desse er fordelt likt i to emne:
- Leiing av læreprosessar
- Skulen i samfunnet
Vi har opptak i alle fagprofilar for PPUY
2024-kullet kan velje mellom desse fagprofilane
- Bygg- og anleggsteknikk
- Elektro- og datateknologi
- Helse- og oppvekstfag
- Naturbruk
- Restaurant- og matfag
- Teknologi- og industrifag
- Informasjonsteknologi og medieproduksjon
- Salg, service og reiseliv
- Frisør, blomster, interiør og eksponeringsdesign
- Håndverk, design og produktutvikling
Alle fagprofilar vert tilbydd både ved campus Bergen og campus Stord.
Kva kan du jobbe med?
Utdanninga kvalifiserer og sertifiserer for arbeid som lærar på ungdomstrinnet og i fag- og yrkesopplæringa i vidaregåande opplæring (trinn 8-13). Det er også ei relevant utdanning for deg som jobbar med leiing av opplæringsaktivitetar i bedrifter og i vaksenopplæring.
Kva lærer du?
Studiet knyter teori og praksis saman til eit heilskapleg og integrert studium og gir deg som framtidig faglærar nødvendig startkompetanse. Gjennom ei forskande tilnærming til lærestoffet, tileignar du deg viktige ferdigheiter, erfaringar og kunnskapar.
Utdanninga følgjer dei læringsutbytta som til ei kvar tid er gjeldande i rammeplan og nasjonale retningslinjer. Nærmare omtale av studiet og progresjon ligg i emneplanane til studiet og i studiehefte frå den enkelte studiestaden.
Spørsmål og svar om PPU for yrkesfag
Kan eg undervise i andre fag enn det eg tar i PPU?
Etter fullført PPU-Y har du undervisingskompetanse frå 8. trinn og oppover. Då er hovudregelen at du må ha 60 stp innan fagområdet du vil undervise i. Det er arbeidsgjevar som vurderer denne kompetansen. Sjå UDIR for meir informasjon om lærarkompetanse.
Kan eg ta PPU i fleire undervisingfag?
Ved HVL kan du kun få opptak til ein didaktisk profil. Dersom du er kvalifisert for fleire enn eitt undervisingsfag, må du prioritere retninga du ønsker mest i søknaden din.
Kva er yrkesteorietisk utdanning?
Yrkesteoretisk utdanning er ei fagleg fordjuping som er relevant for fag/sveinebrevet ditt, tatt på eit høgare nivå enn VGS. Det kan eksempelvis vere relevant fagskule- eller høgare utdanning. To år tilsvarar 120 studiepoeng. Les meir om kravet her.
Kva er yrkespraksis?
Med yrkespraksis meiner vi relevant arbeidserfaring innan yrket du er utdanna til. Praksis blir rekna frå den dagen du har fullført og bestått fagprøve eller profesjonsretta bachelorgrad. Arbeid på deltid blir rekna om til heiltid. Les meir om kravet her.
Spørsmål om søknadsprosess og opptakskrav
Har du spørsmål om opptakskrav, poengutrekning, dokumentasjon eller utdanning frå utlandet. Svar på desse spørsmåla finn du på denne sida:
Praksis i PPU
Praksisopplæringa har eit omfang på 60 heile arbeidsdagar, fordelt på begge studieåra. Du tileignar deg praktisk erfaring med pedagogisk teori og yrkesdidaktiske fenomen som blir tatt opp i dei to teoretiske emna i studiet. Slik legg studiet til rette for at dei pedagogiske, yrkesdidaktiske og praktiske elementa gjensidig kan utfylle kvarandre i kvalifiseringa til læraryrket.
Praksisopplæringa består av alle dei aktivitetane som inngår i arbeidskvardagen til ein yrkesfaglærar, og blir omtalt i emneplanane for praksis. Praksis skal vere rettleia, og du vil få praksisbesøk der både praksisrettleiar og lærar frå Høgskulen på Vestlandet deltar. Dersom du allereie arbeider i skulen, kan inntil halvparten av praksisopplæringa gjennomførast på eigen arbeidsplass.
Her finn du informasjon om praksis og praksisperiodar.
Samlingsdatoar 2024-2025
Samlingsdatoar 2024-2025, Stord
Samlinger
Hausten 2024
5.-6. september
17.-18. oktober
21.-22. november
Våren 2025
16.–17. januar
6.–7. mars
10.-11. april
Eksamen
8.–9. mai
Samlingsdatoar 2024-2025, Bergen
Samlinger
Hausten 2024
5.-6. September
3.-4. Oktober
7.-8. November
Våren 2025
9.-10. januar
6.-7. februar
6.-7.mars
Eksamen
23., 24. og 25. april
Samlingsdatoar 2024-2025, Sogndal
Samlinger
Hausten 2024
18.-19. september
16.-17. oktober
27.-28. november
Våren 2025
22.-23. januar
5.-6. mars
9.-10. april
Eksamen
14 og 15. mai
