Retningslinjer for føring av fråvær i undervisning
For grunnskulelærarutdanning ved HVL.
Studieprogramansvarleg og studieleiarane på GLUP har sett opp retningslinjer for føring av fråvær i undervisninga nedanfor. Retningslinjene gjeld for emne som har frammøte som obligatorisk arbeidskrav.
- Frammøte skal registrerast med underskrift. Faglærar kan gi fritak for ein mindre del av undervisningsøkta. Studenten har sjølv ansvar for å halde oversikt over fråværet.
- Fråværsprosenten blir rekna på planlagt undervisning (det betyr at om faglærer avlyser, får alle studentar godkjent oppmøte den dagen).
- Studentar må akseptere at undervisning blir flytta, men melding om endring må vere gitt minst ei veke på førehand for at fråværet skal kunne registrerast.
- Alt fråvær vert registrert uavhengig av årsak, også når fråværet har velferdsgrunnar eller gjeld sjukdom hos studenten eller born ein har omsorga for.
- Studentar med frammøtekrav på 80 prosent, som har mellom 20 og 30 prosent fråvær, kan søke studieleiar om fritak frå frammøtekravet. I slike tilfelle må det vere gjort ein avtale med faglærar om korleis fråværet kan kompenserast, og dette må beskrivast i søknaden. Ein slik søknad kan også fremmast for planlagt fråvær (som f.eks HVL-verv, politiske verv, utøvarar på nasjonalt nivå innanfor kultur eller idrett mm.). Faglærar skal anbefale eller ikkje anbefale søknaden om fritak.
- Det er emneplanen som bestemmer om det kan gjerast unntak frå kravet om å vere til stades på undervisning. Dersom emneplanen har særskilde reglar om høve til fråvær, gjeld desse framfor prinsippa ovanfor.