Ingrid Laukeland Djupegot

Arbeids- og kompetanseområde

Eg har utdanningsbakgrunn innan ernæring og folkehelsevitenskap, og har ein doktorgrad i matrelatert forbrukeratferd frå 2020. Eg har ei særleg interesse for kosthaldsvalg og matrelatert forbrukeratferd på befolkningsnivå, og synest det er spanande å undersøke korleis miljøet rundt oss påverkar matvala våre.

Dei siste åra har eg jobba mykje med nudging som verkemiddel for å påverke matrelaterte val, samt undersøkt forbrukarar si meining om matrelatert nudging. Tidlegare har eg forska på faktorar som påverkar val av ultra-prosesserte matvarer, samt samanhengen mellom tidspress og bruk av ultra-prosesserte matvarer. 

Ved HVL er størsteparten av arbeidet mitt knytt til Nasjonalt senter for mat, helse og fysisk aktivitet (https://mhfa.no/), der eg blant anna arbeider med skulefaget mat og helse, og mat og måltid i skulen. Eg har også noko undervisning på bachelor i folkehelsearbeid og lærarutdanninga i mat- og helse, samt veiledning både på bachelor- og masternivå.