Bygg- og anleggsingeniør

Bachelor, høsten 2017

Er du interessert i realfag og tekniske løysingar? Som bygg- og anleggsingeniør skal du planlegge, prosjektere og leie arbeidet med nye bygg, anlegg, vegnett med meir, og du blir ettertrakta på jobbmarknaden.

Du har emne innan både realfag, naturvitskap, teknologi, byggeteknikk og veg- og anleggsfag.

Du lærer å

  • identifisere, planlegge og gjennomføre byggfaglege prosjekt, arbeidsoppgåver, forsøk og eksperiment
  • vurdere økonomi, miljø og samfunn i samanheng med teknologi
  • jobbe i team og gjennomføre prosjektarbeid

Prosjektoppgåver og bacheloroppgåve skjer i samarbeid med næringslivet, noko som gir deg ein unik sjanse til å komme i kontakt med framtidige arbeidsgivarar.

Undervisningsmåtar

Vi har forelesingar, gruppearbeid, labøvingar, ekskursjonar og prosjektarbeid med rettleiing. Delar av undervisninga kan bli på engelsk.

Delar av undervisninga blir overført frå Bergen via streaming og filmmodular.

Praksis

Det siste studieåret kan du ha praksis i ei av samarbeidsbedriftene våre.

Kva kan du jobbe med?

Du har eit stort spekter av jobbmoglegheiter hos mellom anna

  • bygge- og anleggsentreprenørar som driv med oppføring av bygg, samferdslekonstruksjonar, vegar, vatn/avløp og anlegg
  • ulike produksjonsbedrifter, mellom anna trevare, betong og produktutvikling
  • rådgivande bedrifter
  • energiforsyningsbedrifter
  • offentleg forvalting

Du jobbar både ute på anlegg og inne på kontor med administrative oppgåver.

Sjå korleis det er!