SK157 Helsefremjande og førebyggjande arbeid

Innhald og oppbygging

Emnet handlar om helsefremjande og førebyggjande arbeid på ulike område i samfunnet.  Undervisninga er knytt til fire tema:

Tema 1 Grunnlagstenking:

• Definisjonar og teoriar i helsefremjande og førebyggjande arbeid  
• Juridisk regulering av helsefremjande og førebyggjande arbeid
• Offentlige og frivillige aktørar, samt organisering av helsefremjande og førebyggjande aktivitet
• Mål- og risikogrupper innan helsefremjande og førebyggjande arbeid
• Helsedeterminantar og helsetilstand på individ- og gruppenivå
• Empowerment, meistring og endring av helseåtferd
• Helsefremjande samtale 
• Helsekompetanse (health literacy)
• Intervju og observasjon som metode for kartlegging og evaluering *
• Tverrprofesjonell samarbeidslæring

Tema II Aktivitet, kultur og helse.

• Fysisk aktivitet og helse
• Kulturell aktivitet og helse
• Sosiale medium og helse
• Helsefremjande arbeidsplassar

Tema III Migrasjon og internasjonal helse:

• Globale og lokale satsingar og program innan helsefremjande og førebyggjande arbeid
• Migrasjon: årsaker og fellestrekk
• Mottak og opphald i Noreg
• Kulturell tilpassing og helseutfordringar ved migrasjon
• Helseutfordringar i andre minoritetsgrupper
• Reisemedisin
• Smittsame sjukdomar og andre globale helseutfordringar
• Internasjonalt helsefremjande og førebyggjande arbeid

Tema IV Helse i forhold til barn og ungdom:

• Oppvekstvilkår og helse
• Helsestasjon, skulehelseteneste og helsestasjon for ungdom
• Samliv og seksuell helse
• Førebyggjande arbeid i forhold til rusmiddel og anabole steroider

Læringsutbytte

Etter fullført emne har studenten følgjande læringsutbytte:

Kunnskap:

Studenten 

• har kunnskap om sentrale omgrep og teoriar innan helsefremjande og førebyggjande arbeid
• har kunnskap om faktorar som påverkar helse (helsedeterminantar) og hovudtrekk i folkehelsa har innsikt i etiske- og juridiske rammer, aktørar og organisering innan feltet
• har kunnskap om internasjonale, nasjonale og lokale føringar i helsefremjande og førebyggjande arbeid

Ferdigheiter

Studenten 

• kan tilpasse og bruke kunnskapen sin i teoretisk og praktisk tilnærming til helsefremjande og førebyggjande arbeid
• kan utarbeide prosjektplan, gjennomføre og evaluere prosjekt knytt til praksis

Generell kompetanse

Studenten

• kan vise respekt for målgruppa sin råderett og kontroll og legge til rette for brukarmedverknad
• kan formidle kunnskap om helsefremjande og førebyggjande arbeid
• kan medverke til entreprenørskap og innovasjon

Krav til forkunnskapar

Emne SK160, SK161, SK169, SK155, samt alle obligatoriske læringsaktivitetar i SK162 må vere greidd før start i emnet SK157

Undervisnings- og læringsformer

• Førelesingar
• Gruppearbeid
• Seminar
• Skriftlege oppgåver og munnleg framlegg i grupper
• Sjølvstudium

Obligatorisk læringsaktivitet

Følgjande obligatoriske læringsaktivitetar må vere godkjent før kandidaten kan framstille seg til eksamen:

• Delta på obligatorisk førelesingar. Dette kjem fram av timeplanen.
• Delta på rettleiing på prosjektplan
• Delta på rettleiing på prosjekteksamen
• Godkjent prosjektplan
• Godkjent og stadfesta observasjonspraksis tilsvarande 8 dagar
• Godkjent poster og deltaking på posterworkshop
• Framlegg av prosjektarbeid for medstudentar og lærar

Vurderingsform

Prosjekteksamen i gruppe. Vurdering: greidd/ikkje greidd.

Ved karakteren ikkje greidd ved prosjekteksamen kan gruppa arbeide vidare med same problemstilling til ny eksamen. Gruppa får tilbod om ein time rettleiing ved ny eksamen.