BRL102 Utvikling og drift av ei reiselivsverksemd II

Innhald og oppbygging

BRL102 Utvikling og drift av ei reiselivsverksemd II

Innhald og oppbygging

Dei tre emna BØ6-1012 Innføring i bedriftsøkonomi og rekneskap for reiselivet, BRL101 Utvikling og drift av ei reiselivsverksemd I samt BRL102 Utvikling og drift av ei reiselivsverksemd II er tre kurs i bruksretta bedriftsøkonomi på til saman 22,5 studiepoeng. Kursa er lagt slik at det er ein naturleg progresjon i den teoretiske vanskegraden og i alle tre kurs blir Excel nytta til bygging av økonomiske modellar.

I kurset BRL102 Utvikling og drift av ei reiselivsverksemd II vil tema vere budsjettering av inntekter, kostnader og likviditet. Vidare skal studenten kunne byggje enkle modellar til bruk i investeringskalkylar der ein ser på nominell og reell avkastning til både totalkapitalen og eigenkapitalen før og etter skatt. I tillegg skal studenten lære om ulike finansieringsformer og ulike typar lån. Studenten skal også få ei innføring i ulike typar bedriftsorganisering og kunne utarbeide ein forretningsplan for ei enkel reiselivsbedrift med utgangspunkt i forretningside og resultatmål.

Sluttevalueringa i alle tre kursa er heimeeksamen, enkeltvis eller i grupper, over ei eller to veker.

Oppbygging av BRL102 Utvikling og drift av ei reiselivsverksemd Il:

• Budsjettering av inntekter, kostnader og resultat
• Investeringsanalysar med internrente, noverdi og eigenkapitalavkastning
• Ulike finansieringsformer og ulike typar lån
• Bedriftsorganisering og forretningsplan

Læringsutbytte

Læringsutbytte

Studentane skal forstå:

formålet med budsjett av ulike typar

formålet med investeringskalkylar

formålet med finansiering og forstå ulike renteomgrep

formålet med forretningsplan og ulike typar verksemdsorganisering.

Ferdigheiter

Studentane skal kunne:

Utarbeide investeringskalkylar og rekne ut noverdi og internrente til ulike investeringsprosjekt

Rekne ut eigenkapitalavkastninga til investeringsprosjekt

Rekne ut kostnadene knytt til ulike finansieringsformer og rekne ut effektiv og reell rente på lån

Sette opp ein forretningsplan for ei verksemd

 

Generell kompetanse

Studenten har:

grunnlag for å vurdere ulike investeringsprosjekt og finansieringa av desse

Krav til forkunnskapar

Ingen

Tilrådde forkunnskapar

BØ6-1012 Innføring i bedriftsøkonomi og rekneskap for reiselivet .

BRL101 Utvikling og drift av ei reiselivsverksemd I

Undervisnings- og læringsformer

Førelesingar, oppgåveseminar, dataøvingar

Obligatorisk læringsaktivitet

Eitt arbeidskrav

Vurderingsform

Heimeeksamen 1 veke.

Hjelpemiddel ved eksamen

Alle

Meir om hjelpemiddel