BIDR210 Fysiologi og treningslære
Emneplan for studieåret 2021/2022
Innhald og oppbygging
Emnet omhandlar menneskets fysiologi og fysiologiske endringar som følgje av trening. Studentane vil også lære å planlegge trening og gjennomføre relevante testar for å vurdere fysisk prestasjonsevne.
Læringsutbytte
Ved fullført emne skal studenten ha følgjande totale læringsutbytte:
Kunnskapar
Studenten
- har brei kunnskap om fysiologi med hovudvekt på organsystema sentrale for fysisk aktivitet og trening
- har brei forståing for adaptasjonar til uthalds- og styrketrening
- har brei forståing for testing av fysisk prestasjonsevne
Ferdigheiter
Studenten
- kan nytte fagleg kunnskap til å planlegge og tilpasse trening til ulike individ og til ulike treningsmål
- kan gjennomføre relevant testing tilpassa ulike individ og ulike treningsmål
Generell kompetanse
Studenten
- kan nytte fagleg kunnskap til å utarbeide periodeplanar og øktplanar
- kan diskutere sentrale problemstillingar innan forsking knytt til styrke- og uthaldstrening
Krav til forkunnskapar
Ingen
Tilrådde forkunnskapar
IDF101 Treningslære
Undervisnings- og læringsformer
Undervisnings- og læringsformene i dette emnet er i stor grad knytt til førelesingar, gruppe- og individuelt arbeid. Emnet inneheld både teoretiske og praktiske timar med fokus på studentaktive læringsformer.
Obligatorisk læringsaktivitet
Følgjande obligatoriske læringsaktivitetar må vera godkjente for at studenten kan framstille seg til eksamen:
- Obligatorisk frammøte og krav om aktiv deltaking frå studenten i praktiske timar (for eksempel laboratorieøvingar og trening)
- To skriftlege innleveringar, eit innan styrke og eit innan uthald
Desse læringsaktivitetane er knytt opp mot læringsutbytta om ferdigheit til å kunne gjennomføre tilpassa testing samt ha kompetanse til å utarbeide treningsplanar for friske individ.
Vurderingsform
Individuell skriftleg skuleeksamen (seks timar). Karakterskala: A-F, der F er ikkje greidd.
Hjelpemiddel ved eksamen
Ingen
Meir om hjelpemiddel