MSB102 Innovasjonsteori og praksis
Emneplan for studieåret 2021/2022
Innhald og oppbygging
Formålet med emnet er å gi studentane avansert kunnskap om innovasjon og faktorane som fremmar og hemmar innovasjonsmiljø og utviklinga av desse. Studentane lærer å bruke verktøy for å forstå, analysere og utvikle slike miljø både internt i organisasjonar og ved samarbeid på tvers av organisasjonar. Sentrale tema er teoriar og praksis knytt til innovasjonsprosessar, inter-organisatorisk samarbeid (som open innovasjon og nettverk), avleggarar (spin-offs), tilgang til, og utnytting av interne og eksterne ressursar. Emnet gir også kunnskap om, og drøftar ulike innovasjonsmodellar for organisasjonar, nettverk, økosystem og stadar.
Læringsutbytte
Etter fullført emne skal studenten:
- ha avansert kunnskap om innovasjon.
- ha avansert kunnskap om samarbeidsformer på tvers av organisasjonar slik som open innovasjon, innovasjonsnettverk og -økosystem.
- ha avansert kunnskap om faktorar som hemmar og fremmar innovasjon internt i bedrifter og i innovasjonsmiljø.
- kan bruke kunnskapen på nye områder relatert til innovasjonsfaget.
- kan analysere faglege problemstillingar med bakgrunn i innovasjonsfaget sin eigenart og plass i samfunnet og organisasjonar.
Etter fullført emne kan studenten:
- analysere og kritisk vurdere ulike informasjonskjelder og bruke desse til å strukturere og formulere faglege resonnement innan innovasjonsfeltet og spesielt når det gjeld korleis ein bygger sterke innovasjonsmiljø.
- analysere og vurdere eksisterande teoriar, metodar og tolkingar innanfor innovasjonsfeltet og arbeide sjølvstendig med praktiske og teoretiske problem knytt til utvikling av innovative miljø.
Etter fullført emne kan studenten:
- kommunisere eit omfattande sjølvstendig arbeid og meistre uttrykksformene på innovasjonsfeltet.
- kommunisere, analysere og konkludere på akademiske spørsmål knytt til innovasjon og innovasjonsmiljø, både til spesialistar og allmenta.
- bidra til nytenking og innovasjonsprosessar.
- bruke kunnskapane og ferdigheitene sine på nye område for å gjennomføre avanserte arbeidsoppgåver og prosjekt.
Krav til forkunnskapar
Opptak på Masterprogrammet i økonomi og administrasjon
Tilrådde forkunnskapar
Ingen
Undervisnings- og læringsformer
Forelesingar der ein gjennomgår og drøftar litteraturen.
Seminar der studentane presenterer utvalde artiklar og brukar teorien til å analysere praktiske problem. I desse seminara vil ein også drøfte korleis ein skriv essay.
Obligatorisk læringsaktivitet
Ei skriftleg oppgåve og to presentasjonar.
Vurderingsform
Essay i gruppe på 2-3 studentar (tel 40%).
Skriftleg skuleeksamen, 5 timar (tel 60%).
Karakterskala er A-F, der F er ikkje godkjent.
Begge eksamenane må vere greidd for å få fullført emnet.
Hjelpemiddel ved eksamen
Essay: Alle
Skuleeksamen: Ingen
Meir om hjelpemiddelFagleg overlapping
- MOØ210 - Innovasjon og strategi - Reduksjon: 5 studiepoeng