SAB320 Refleksjon over fag og yrke

Innhald og oppbygging

I emnet skal studentane fordjupe seg i ulike teoretiske perspektiv i sosialt arbeid. Studentane skal sjå dette i samanheng med vitskapsteoretiske posisjonar. Kunnskapen skal brukast i refleksjon og diskusjon om sosialt arbeid som fag og yrke, knytt til dagsaktuelle problemstillingar i faget.

Studentane skal tileigne seg kunnskap om makt, skjønn, avgjerdsteori og etikk. Dei skal bruke denne kunnskapen til å kritisk reflektere over sosionomen si profesjonsutøving i velferdssystemet og i møte med brukarar. Studentane skal også bruke kunnskap om kontekstuelle faktorar som pregar sosialt arbeid og tverrprofesjonelt samarbeid.

Den første delen av emnet er ei fordjuping i teoretiske perspektiv i sosialt arbeid og den andre delen er kritisk refleksjon over fag og yrke.

Læringsutbytte

Ein student med fullført emne skal ha fylgjande totale læringsutbytte definert i kunnskap, ferdigheiter og generell kompetanse:

Kunnskap:
Studenten...

• har brei kunnskap om sosialt arbeids teorigrunnlag og metodar som retter seg mot individ, familiar, grupper og samfunn.
• har brei kunnskap om teoretiske perspektiv, erfarings- og brukarkunnskap i sosialt arbeid og andre relevante fagområder.
• kjennskap til fagets vitskapsteoretiske posisjonar, kunnskapsutvikling og profesjonen sitt samfunnsansvar.
• kjennskap til forskings- og utviklingsarbeid relevant for sosialt arbeid, nasjonalt og internasjonalt.
• har kunnskap om fagområdets eigenart og plass i samfunnet.

Ferdigheiter:
Studenten...

• kan bruke forskingsbasert, erfaringsbasert og brukarbasert kunnskap i profesjonsutøvinga.
• kan finne, vurdere og vise til relevant informasjon og fagstoff og framstille dette både munnleg og skriftleg.
• kan tileigne seg ny kunnskap og kan foreta faglege vurderingar, avgjersler og handlingar i tråd med kunnskapsbasert praksis. Vidare skal kandidaten også kunne dokumentere og formidle sin faglege. kunnskap

Generell kompetanse:
Studenten...

• har innsikt i menneskesyn og verdiar i sosialt arbeid, profesjonsetikk, ulike etiske teoriar og kan handtere etiske dilemma i yrkesrollen.
• har innsikt i maktstrukturar og maktutøving i samfunnet.
• har innsikt i og kan reflektere kritisk over sin profesjonelle rolle i møte med institusjonelle og politiske krav i tenesteutøvinga.
• har innsikt i politiske og administrative avgjersleprosessar og korleis sosionomar kan bidra til allmenn opplysning og politisk rådgjeving.
• har innsikt i korleis utvise dømmekraft i situasjonar med mangelfull og/eller motstridande informasjon og identifisere muligheitsrom innan ulike profesjonelle og institusjonelle kontekster.
• kan formidle sosialt arbeids kunnskap og utveksle synspunkt og erfaringar med samarbeidspartnarar og gjennom dette bidra til innovasjon og utvikling av god praksis.

Krav til forkunnskapar

Alle emne i første studieår og andre studieår, samt SABP3 må vere greidd.

Tilrådde forkunnskapar

SAB310 og SABP3

Undervisnings- og læringsformer

Det vert nytta klasseromundervising i tillegg til studentaktivelæringformer som gruppeseminar med rettleiing, digitale undervisningsressursar i Canvas, gruppepresentasjon i plenum, paneldebatt med studentinvolvering, sjølvstudium og dialog med brukarar og aktørar frå fagfeltet.

Obligatorisk læringsaktivitet

Følgjande obligatoriske læringsaktivitetar må vera godkjent for at studenten kan framstille seg til eksamen:

• krav om 80% deltaking i studentaktiv  undervisning, som omfattar deltaking i gruppearbeid, framlegg og paneldebatt om ulike perspektiv i sosialt arbeid.
• individuelt skriftleg refleksjonsnotat knytt til arbeidet med perspektiva i sosialt arbeid. Omfang: 1500 ord +/- 10%.

Godkjente læringsaktivitetar er gyldig i fire semester

Vurderingsform

Heimeeksamen
Individuell skriftleg heimeeksamen over 5 dagar. Omfang: 3500 ord +/- 10%.

Tid for eksamen, sjå Studentweb.

Vurderingsuttrykk
Gradert karakterskala. A til E er greidd. F er ikkje greidd.

Ny eksamen
Ny heimeeksamen vert gjennomført på same måte som ordinær eksamen

Hjelpemiddel ved eksamen

Alle hjelpemidlar tillaten, men det vert køyrd plagiatkontroll. 

Meir om hjelpemiddel

Fagleg overlapping

• SOS5-310 - Modellar i sosialt arbeid - fagutvikling og forsking i sosialt arbeid - Reduksjon: 15 studiepoeng
• BSO311 - Refleksjon over fag og yrke - Reduksjon: 15 studiepoeng