BKUF202 Kunstfaga si rolle i samfunnet

Innhald og oppbygging

Emnet gir studentane ei innføring i ulike teoretiske perspektiv, både historiske og samtidige, for å forstå kunstfaga si rolle i samtida. Målet er at studentane, gjennom kritisk refleksjon rundt kunstfaga sin innverknad på samfunnet, tileignar seg ferdigheiter til å kaste lys over ulike samfunnsutfordringar gjennom eigne kunstfaglege prosjekt.

Med teori som verktøy samarbeider studentane om å reflektere rundt kunstfaga si rolle gjennom samlesing, refleksjon og praktiske øvingar, både knytt til valt fagområde og kunstfaget som helskap. Emnet vektlegg praktisk tilnærming til teori, med fokus på samarbeid og empati, slik at studentane kan identifisere både eigne fordommar og samfunnstrukturar.

Læringsutbytte

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskap

Studenten

• har kunnskap om kunstfaga si historie, metodar og teori
• har kunnskap om kunstfaga si rolle, betydning og innverknad på samfunnet
• kjenner til ulike post-kritiske perspektiv som utfordrar tradisjonelle narrativ

Ferdigheiter

Studenten

• kan anvende teori for å forklare korleis kunstverk speglar og påverkar historiske og samtidige kulturelle og sosiale kontekstar
• kan reflektere over at kunstfaga si historie korkje er objektiv eller lineær, men er prega av ulike historiske og kulturelle perspektiv

Generell kompetanse

Studenten

• kan formidle og reflektere over ulike perspektiv og idear knytt til eige kunstnarleg arbeid
• har innsikt i samanhengen mellom kunst, politikk og etikk i både historisk og samtidsperspektiv
• kan planlegge og gjennomføre eigne kunstfaglege prosjekt som kaster lys over ulike samfunnsutfordringar

Krav til forkunnskapar

Ingen

Undervisnings- og læringsformer

Undervisninga er samlingsbasert og nettstøtta. Arbeidsformene i emnet vekslar mellom gruppearbeid, forelesingar, praktisk arbeid, rettleiing, studentframlegg og bruk av nettbaserte ressursar.

Obligatorisk læringsaktivitet

1. Gruppepresentasjon i plenum. Kvar gruppe presenterer teori/ tekst frå pensum som ein obligatorisk læringsaktivitet. Denne presentasjonen legg teoretisk grunnlag for vidare arbeid i emnet.

2. Deltaking i obligatorisk undervisning.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Mappeinnlevering i gruppe.

Karakterskala: Bestått/Ikkje bestått.

Ved ikkje bestått kan det leverast forbetra versjon av mappa til ny eksamen.

Hjelpemiddel ved eksamen

Alle hjelpemiddel er tillatne.

Meir om hjelpemiddel