BKUF204 Berekraft i kunstfaga

Innhald og oppbygging

Emnet Berekraft i kunstfaga har fokus på ein framtidsretta grøn kunst- og kultursektor. Viktige tema er berekraftig bruk av og vern om kulturarva, og kunnskap om nye initiativ og idear innan kunst- og kulturfeltet som kan bidra til ei berekraftig framtid. Sentralt står kunstnarleg arbeid som kan gi ulike perspektiv på korleis ein kan bidra til det grøne skiftet.

Læringsutbytte

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskap

Studenten

• har kunnskap om korleis kunstfaga kan bidra med ulike perspektiv på berekraftsspørsmål gjennom til dømes innovasjon, kommunikasjon, samarbeid, mangfald og inkludering
• har innsikt i relevante økologiske, økonomiske og sosiokulturelle sider ved berekraft i kunst- og kultursektoren
• har kunnskap om kulturarv, traderingsprosessar og revitalisering av historiske kunstuttrykk

Ferdigheiter

Studenten

• kan anvende kunstfaget sitt for å kasta lys over berekraftstematikk
• kan anvende historisk nedarva kunstuttrykk på nye og kreative måtar i eiga utøving
• kan reflektere over korleis kulturarva og kunsten i samtida kan formidle kunnskap om berekraft og bidra mot å nå FNs berekraftsmål

Generell kompetanse

Studenten

• kjenner til nytenking og innovasjonsprosessar innan berekraftsarbeid
• kan reflektere over etiske aspekt ved og bidra i fagleg ordskifte om berekraft

Krav til forkunnskapar

Ingen

Undervisnings- og læringsformer

Undervisninga er samlingsbasert og nettstøtta. Arbeidsformene i emnet vekslar mellom gruppearbeid, forelesingar, praktisk arbeid, rettleiing, studentframlegg og bruk av nettbaserte ressursar.

Obligatorisk læringsaktivitet

• Prosjektplan for kunstprosjekt
• Kronikk eller podkast om berekraft i kunst- og kultursektoren
• Obligatorisk deltaking i undervisning og rettleiing på samlingar og på nett, minimum 80%.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Kunstprosjekt med framføring eller utstilling, med tilhøyrande refleksjonsnotat.

Karakterskala A-F, der F er ikkje bestått.

Hjelpemiddel ved eksamen

Alle hjelpemiddel er tillatne.

Meir om hjelpemiddel