BKUF303 Kunstfagsteori og forskingsmetode

Innhald og oppbygging

Emnet skal gi studentane ei innføring i og praktisk erfaring med grunnleggande forskingsmetode og kunstfagsteori som kan ligge til grunn for empiriske FOU-arbeid og eiga bacheloroppgåve. Studentane skal også arbeide med forskingsetiske problemstillingar og former for kritiske tilnærmingar til eige og andre sitt arbeid.

Læringsutbytte

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskap

Studenten

• har grunnleggande kunnskap om vitskaplegdom og kjenneteikn ved forskingsbasert arbeid
• har grunnleggande kunnskap om forskingsetikk og etikk i kunstfaglege prosesser
• har grunnleggande kunnskap om kvantitative, kvalitative og kunstfaglege forskingsformer og metodar
• har grunnleggande kunnskap om akademisk skriving

Ferdigheiter

Studenten

• kan søke opp og tileigne seg litteratur som har betydning for eige forskingsprosjekt
• har erfaring med arbeidsformer innan kunstfaglege og kvalitative metodar
• har ferdigheiter innan akademisk skriving

Generell kompetanse

Studenten

• kan identifisere og forhalde seg etisk til utfordringar ved eigen og andre si forsking og kunne formulere og drøfte slike kritiske refleksjonar munnleg og skriftleg i eit fagfellesskap

Krav til forkunnskapar

Ingen

Undervisnings- og læringsformer

Studentane vil få læringsoppdrag i forkant av fysisk og digital undervisning. Læringsformer: Praktiske gruppearbeid, workshops, framlegg, opposisjon.

Obligatorisk læringsaktivitet

1. Aktiv deltaking i minimum 80 prosent av undervisninga.
2. Logg fra samlingar.
3. 2 arbeid knytt til tematikk i samlingane.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Mappe som inneheld skildring av og refleksjon rundt kursinnhaldet og aktivitetane i emnet.

Karakterskala: Bestått/Ikkje bestått.

Ved ikkje bestått kan det leverast forbetra versjon av mappa til ny eksamen.

Hjelpemiddel ved eksamen

Alle hjelpemiddel er tillatne.

Meir om hjelpemiddel