Høgskulen på Vestlandet, campus Haugesund, har utdanna godt over 500 branningeniørar dei siste 20 åra. HVL er ein av berre åtte utdanningsinstitusjonar i verda som tilbyr mastergradsstudium i brannsikkerheit.
Kvifor studere brannsikkerheit?
Brannsikkerheit blir meir og meir viktig i dagens samfunn, og behovet for kunnskap og kompetanse innan dette feltet er sterkt aukande. Det primære målet med studiet er å tilføre næringsliv og samfunn gode kandidatar, som gjennom sin dybdekunnskap innan fagfeltet, kan bidra til eit meir brannsikkert samfunn. Eit av dei viktigaste aspekta i denne samanhengen er tiltak for å redusere sannsynlegheita for storulukker. Utdanninga er lagt opp i tett kontakt med industripartnarar om fokus på særleg interessante branntekniske problemstillingar.
Primært undervisningsspråk i utdanninga er engelsk. Det er mogleg å ta utdanninga på deltid.
Click "English" on the top of the page to the right to read this in English.