Lærarstudent

Lærarstudentane speler ei særs viktig rolle i Ung lærar der dei som mentorar skal rettleia ungdomsskuleelevar til å bli gode “lærarar”.

Lærarstudent

Studentane har allereie valt å gå på lærarutdanninga og er difor rollemodellar med stor påverkingskraft på elevanes motivasjon, både under gjennomføringa og i høve til eit framtidig yrkesval.

Mentorane skal rettleia ungdomsskuleelevane slik at dei møter barna på ein god måte og slik at alle deltakarane får eit størst mogleg utbyte. 

Arbeidet med å rettleia ungdommane gjev og lærarstudentane ein unik moglegheit til å sjå seg sjølv og si eiga framtide rolle i eit metaperspektiv. Det kan gje nye refleksjonar inn i eigen studietid.

Dette er ung lærar

I Ung lærar får ungdomsskuleelevane ein dag med lærarutdanning og ein dag med yrkeserfaring ute på ein barneskule. Dei får oppleva skulens spennande mangfald av menneske, fag og aktivitetar, kjenna på meistring gjennom skreddarsydde øvingar og møta pedagogiske og sosiale utfordringar knytt til skulekvardagen.

Ung lærar dag for dag

Kort fortalt består Ung lærar ein dag med lærarutdanning ein dag med yrkesutøving. Ungdomsskuleelevane får faktisk vera lærarar på ordentleg når dei skal førebu og gjennomføra ein draumetime for ein barneskuleklasse. For å få maksimalt utbytte av dei to dagane er det og lagt opp til førebuingar på eigen skule i forkant.