Ungdomsskulelev

Det skulle nok mange likt å vita! For det er ikkje alltid så lett å sjå at det er stor skilnad på å vera elev og det å jobba på skulen. Det kan ein få ein betre forståing av når ein deltek på ung lærar. Der får ein oppleva korleis det er å førebu ein time, leia arbeidet i klasserommet og få eit innblikk bakom kulissane på skulen.

Mange ungdommar vert overraska over å kjenna på gleden over å leggja til rette for god læring og ikkje minst sjå responsen frå barna. I Ung lærar får du saman med klassekompisane dine utforska det å arbeida på skulen og laga ein draumetime for yngre elevar. 

Det beste var å vera med ungane, på besøk på skulane. Ungar er spennande. Dei finn alltid på noko nytt. Det er kjekt å vera med dei

NN, Øyatun ungdomsskule (Halsnøy)

Dette er ung lærar

I Ung lærar får ungdomsskuleelevane ein dag med lærarutdanning og ein dag med yrkeserfaring ute på ein barneskule. Dei får oppleva skulens spennande mangfald av menneske, fag og aktivitetar, kjenna på meistring gjennom skreddarsydde øvingar og møta pedagogiske og sosiale utfordringar knytt til skulekvardagen.