Møt HVL på Arendalsuka!

HVL kan by på mykje spennande under Arendalsuka i år. Klikk her for å sjå oversikta over kva arrangement HVL deltar på under Arendalsuka.

Måndag 11. august deltar HVL-professor Reza Arghandeh i ein samtale om sentralisering av forskingsmidlar og kva effekt dette har på forsking i næringslivet. Ordstyrar er prorektor for nyskaping og regional utvikling ved HVL, Øyvind Midtbø Berge. Same dag skal professor Tone Merete Norekvål innleie om hjertehelse, e-helse og kjønn.

Tysdag set førsteamanuensis Rita Agdal og offentleg ph.d.-kandidat Hanne Mikkelsen by- og stadutvikling på dagsordenen, og løfter betydninga av møteplassar og fellesrom. 

Også på tysdagen tar jussprofessor Sigmund Simonsen debatten om sivile skip og sjøfolk sin status i krise og krig. Same dag drøftar USA-ekspert og professor Hilmar Mjelde Trump sitt politiske prosjekt har lukkast betre i andre presidentperiode enn i den første. 

Onsdag 13. august spør vi om Noreg klarer å halde tritt når Europa riggar seg for konkurranse, og vi diskuterer dei ulike rollene til fagskulane, universitetene og høgskulane i det norske utdanningssystemet. 

Same dag løftar vi lærarmangelen og moglege løysingar på den, i tillegg til kompetansebehov i distrikta. HVL-rektor Gunnar Yttri er ordstyrar, og arbeidsutvalmedlem i Studenttinget på Vestlandet, Inger Christin Hystad Barane, sit i panelet. 

Til sist på onsdagen spør vi om "Sosial Resept" kan vere løysinga på den helseskadelege einsemda i samfunnet. Denne ordninga går ut på å tilvisa einsame pasintar til frivillige som hjelper dei ut i meiningsfulle aktivitetar i nærmiljøet. Førsteamanuensis Roger Ekeberg Henriksen forskar på dette og sit i panelet.