Om Høgskulen på Vestlandet
Høgskulen på Vestlandet er ein av dei største høgare utdanningsinstitusjonane i landet, med om lag 16.500 studentar og 1900 tilsette. Dei fem campusane våre ligg i Bergen, Førde, Haugesund, Sogndal og på Stord.
Vi har ein profesjons- og arbeidslivsretta profil og tilbyr mellom anna utdanningar til samfunnsviktige yrke som sjukepleiar, lærar og ingeniør. Kvart år uteksaminerer vi 3000 kandidatar som er med på å løyse viktige samfunnsoppgåver.
Forskinga vår skjer i tett samarbeid med arbeids- og næringsliv. HVL har sterke og innovative fagmiljø innan helse- og sosialvitskap, ingeniør- og maritime utdanningar, lærar-, kultur- og idrettsfag, natur- og samfunnsvitskap, og økonomi og leiing.
