Arbeids- og kompetanseområde
Arbeids- og kompetanseområde
Tilsett ved Høgskulen på Vestlandet, tidlegare Høgskulen i Sogn og Fjordane, sidan 2001 – og sidan 2017 som professor i idrettsvitskap ved Fakultet for lærarutdanning, kultur og idrett (FLKI).
Frå august 2021 til juli 2025 var eg tilsett i åremålsstilling som prorektor for regional utvikling ved Høgskulen på Vestlandet. I perioden juni til desember 2023 fungerte eg i tillegg som prorektor for forsking.
Eg har publisert 87 fagfellevurderte artiklar i internasjonale tidsskrift, og gjennomført forskaropphald ved University College Dublin (Irland) og University of Texas at Austin (USA).
Frå 2018 til 2021 var eg grunnleggar og leiar for Senter for fysisk aktiv læring (hvl.no/om/sefal). I same periode leia eg ACTivate, eit Erasmus+-samarbeidsprosjekt mellom Noreg, Danmark, England, Nederland, Finland og Portugal.
Eg er utdanna frå Høgskulen i Sogn og Fjordane (grunnfag i samfunnsfag, engelsk og idrett, mellomfag i idrett og praktisk-pedagogisk utdanning), og Norges idrettshøgskole i Oslo (mellomfag, hovudfag og doktorgrad i idrettsvitskap).
Eg forskar på og er fagleg interessert i skulebaserte intervensjon om fysisk aktivitet og fysisk aktiv læring, med fokus på helse- og læringsrelaterte variablar, med særleg vekt på tverrfaglege tilnærmingar og praksisnær forsking i skulekontekstar.
