FAL852 Fysisk aktiv læring i folkehelse og livsmeistring

Innhald og oppbygging

Emnet tek utgangspunkt i å fasilitere utviklingsprosessar i profesjonsfellesskapet knytt til folkehelse og livsmeistring og fysisk aktiv læring i skulen. Ein legg vekt på korleis det kan bli ein berekraftig del av skulen sin undervisningspraksis.

Læringsutbytte

Ved fullført emne skal studentane ha følgande læringsutbytte:

Kunnskapar

Studenten

• har inngåande kunnskap om forsking og teoretiske perspektiv på folkehelse og livsmeistring
• har kunnskap om fasilitering av prosessar for erfaringsdeling og utvikling i profesjonsfellesskapet
• har inngåande kunnskap om kva relevante styringsdokument seier om læring, danning og folkehelse og livsmeistring

Ferdigheiter

Studenten

• kan arbeide i profesjonsfellesskapet med å utvikle læringsmiljø som ivaretar elevane si helse og livsmeistring
• kan kritisk anvende kunnskap om å drive reflekterande utviklingsprosessar og erfaringsdeling om fysisk aktiv læring og folkehelse og livsmeistring i profesjonsfellesskapet

Generell kompetanse

Studenten

• kan identifisere skulen sine behov innan fysisk aktiv læring og folkehelse og livsmeistring, og legge til rette for og leie utviklingsprosessar i profesjonsfellesskapet
• kan bruke kunnskap om fysisk aktiv læring inn mot folkehelse og livsmeistring, og bidra til at det blir ein del av skulen sin undervisningspraksis
• kan kommunisere faglege problemstillingar, analysar og konklusjonar innanfor folkehelse og livsmeistring både til spesialistar, kollegaer i skulen og allment

Krav til forkunnskapar

Fullført FAL801 (15 sp)

Tilrådde forkunnskapar

Har kjennskap til FALtastisk.com

Undervisnings- og læringsformer

• Arbeid med nettressursar t.d. videoar og litteratur
• Tre obligatoriske dagssamlingar på nett (zoom)
• Gjennomføring i eigen praksis
• Vurderings- og refleksjonsprosessar

Obligatorisk læringsaktivitet

Gjennomføre tre obligatoriske læringsaktivitetar som er førebuing til samlingane. Dette inneber framlegging av arbeid på samlingar og arbeid med praksisbaserte oppgåver (individuelt og i grupper) mellom samlingane.

Obligatorisk læringsaktivitet vurderast til godkjent/ikkje godkjent. Alle obligatoriske læringsaktivitetar må vere godkjende av faglærar før studenten kan framstille seg til eksamen. Dersom ein læringsaktivitet blir vurdert som ikkje godkjent, skal studenten få skriftleg tilbakemelding om dette. Studentar som ikkje får godkjent ein eller fleire læringsaktivitet får tilbod om å rette opp feil og manglar (1 gang) eller gjennomføre alternativ læringsaktivitet gitt av faglærar. Læringsaktivitane må vera godkjent seinast tre veker før eksamen.

Vurderingsform

Munnleg eksamen på nett (Zoom) ca. 20 min.

Vurdering: Greidd/ikkje greidd

Hjelpemiddel ved eksamen

Alle hjelpemiddel er tillate.

Meir om hjelpemiddel