Viktige val av tillitsvalde
Vala omfattar mellom anna val av studentrepresentantar til høgskulestyret, til arbeidsutvalet i tinget, og til fleire sentrale utval i Høgskulen på Vestlandet.
Studentdemokratiet er heilt avgjerande for utviklinga av høgskulen, og det komande Universitetet på Vestlandet. I min tale heldt eg fram kor viktig det er å halda fast i arbeidet med å styrka engasjementet mellom studentane på alle nivå. Det er heilt grunnleggjande å få aktive studentar og tillitsvalde i dei ulike utdanningane våre.
Rektor helsa elles Studenttinget på Vestlandet med viktige prinsipp for akademisk integritet, prinsipp som både tillitsvalde og leiarar gjer klokt i å leggja seg på minne;
- å byggja og visa tillit,
- å vera ærleg,
- å utøva rettvise,
- å syna respekt overfor alle,
- å vera ansvarleg
- og å vera modig.
Det å vera sanningssøkande og ærleg fordrar at kritiske evner vert stadig utvikla og også at tilsette og studentar evnar å ta i bruk ny teknologi på ansvarleg vis.
Eg var også innom kor viktig det er å hegna om akademisk ytringsfridom, men samstundes også ta ytringsansvaret på fult alvor.
I tider med internasjonal uro og uvisse, er det også tillitsvalde og leiarar si oppgåve å arbeida på eit vis som set kraft, mot og glede, i folk og samfunn. I tider med uvisse må det skapast grunnlag for håp. Utdanning, forsking og samarbeid er dei rikaste kjelder.
Den siste delen av mi tid vart nytta til å svara på spørsmål frå studentane. Fleire av spørsmåla omhandla korleis me skal utvikla høgskulen, det nye universitetet, vidare under økonomisk strammare rammer. Mellom emna og spørsmåla som var oppe noterte eg følgjande:
- Utvikling av ingeniørutdanningane og nasjonale prøver.
- Utfordringar knytt til bygg – Fossbygget i Sogndal.
- Utsikter for studiestaden Stord
- Korleis sikra god gjennomføring og praksisklare kandidatar frå grunnskulelærarutdanninga?
- Satsinga på Vestlandslegen i Haugesund og i Førde – korleis vil dette verka inn på høgskulen?
- Korleis kan informasjonen frå høgskulen til studentane verta betre?
- Kva farge er rektor?
- Korleis kan høgskulen sikra at praksisopplæring i ulike utdanningar vert so god og meiningsfull som mogleg?
- Korleis arbeider høgskulen for universell utforming og syter for at ulike studentar får høve til gode praksis-opphald i utdanninga?
- Korleis stiller høgskulen seg til opptaksmelding og profesjonsmelding?
- Kva er rektor mest nøgd med å ha utført dei dryge