Digitale verktøy for fagtilsette
FS-databasen har fleire integrasjonar med system du som fagtilsett vil møte på i arbeidskvardagen din.
Canvas
Canvas er læringsplattforma ved HVL.
EpN - Emneplanlegging på nett
Emneplanlegging på nett (EpN) er eit verktøy til bruk i studieplanrevisjonen. EpN er ein webapplikasjon som gjer data i FS(Felles studentsystem) tilgjengeleg for redigering av fagpersonar
EVA - emneevaluering
EVA er eit verktøy som gjer emneevaluering ved HVL enklare og meir effektivt. Det automatiserer evalueringsprosessen ved å presentere evalueringsskjema for studentane direkte i Canvas, og gir enkel tilgang til resultata for emneansvarlige og administratorar i eit oversiktleg panel.
Fagpersonweb
Fagpersonweb er ei nettbasert teneste for vitskapleg tilsette. Tenesta let fagpersonar utføre ein del nødvendige studieadministrative rutinar og oppgåver, og skal tene som støtteverktøy i undervisningspraksisen. Fagpersonweb kan òg nyttast for å få innsyn i informasjon lærestaden har lagra om undervisning, eksamen og studentar, som klasselister, resultatstatistikk, biletoversikt og kontaktinformasjon.
Sensorportalen
Sensorportalen er eit arbeidsverktøy for heile prosessen med å melde inn og administrere sensorar, og skal gjere det lettare å administrere arbeidet for dei involverte. Målet er at sensorprosessen vert meir oversiktleg for alle, at sakshandsaminga går raskare, og at behovet for e-postar og telefonar mellom dei involverte vert redusert.
Tableau og studentdata
Tableau er eit presentasjons-, rapport- og analyseverktøy. Det gjev mogelegheit til å lage og presentere rapportar og analyser, med data henta frå STAR eller direkte frå FS. Tableau består av Tableau server (ei webløysing) og Tableau Desktop (ein utviklarklient).
WISEflow
WISEflow er det digitale eksamenssystemet ved HVL.