Oddmund Løkensgard Hoel ny statsråd
Oddmund Løkensgard Hoel blir ny forskings- og høgare utdanningsminister. HVL-professoren har vore statssekretær både for Sandra Borch og Ola Borten Moe.
Han tek over etter Sandra Borch (Sp), som gjekk av 19. januar etter avsløringar om at ho hadde kopiert tekst fra andre i masteroppgåva si.
Oddmund Løkensgard Hoel blei tilsett ved Høgskulen i Sogn og Fjordane i 2007. Sidan 2019 har han vore professor ved Høgskulen på Vestlandet, men er no i permisjon frå stillinga si.
Hoel blei utnemd til statssekretær for Ola Borten Moe i oktober 2021.
Dagens utnemning som forskings- og høgare utdanningsminister blir tatt godt i mot i sektoren.
Leiar for Universitets- og høgskolerådet og rektor ved Universitetet i Agder, Sunniva Whittaker, seier til Khrono i dag at Hoel som ny minister er ei veldig god løysing.
— Han kjenner sektoren fra innsida og har vore delaktig i prosessane som no skal vidareførast. Dette er eigentlig heilt strålende, seier Whittaker til Khrono.
HVL gratulerer også den nye statsråden med ei særs viktig oppgåve!