Koronasituasjonen ved campus Sogndal
Sogndal kommune strammar inn smitteverntiltaka, og har komme med nye tilrådingar som er gjeldande til 2. desember.
Smitten aukar i Sogndal, og høgskulen held seg løpande oppdatert. Aktiviteten på campus går som normalt, men ein er budd på at ting kan endre seg framover.
Tilrådingane frå kommunen er:
- Bruk munnbind der det er utfordrande å halde avstand
- Reduser talet nærkontaktar
- Hald avstand der det er mogleg
- Unngå arrangement der det ikkje er mogleg å halde avstand
Sjå info på Sogndal kommune sine nettsider
Forsterkar smittevernet på campus
HVL oppfordrar tilsette og studentar i Sogndal om å følgje tilrådingane frå kommunen. Vi forsterkar smittevernet på campus, med særskilt forsterka merksemd om smittevern i samband med gjennomføring av arrangement.
At aktiviteten ved campus Sogndal går som normalt, betyr at:
- Undervisninga går som planlagt
- Praksis går som planlagt
- Ferdigheitstrening går som planlagt
- Eksamen går som planlagt
- Samlingar og arrangement går som planlagt, med forsterka merksemd på smittevern i samband med gjennomføring av arrangement.
Tilråding om heimekontor er ikkje aktuelt no.