Informasjon om koronatiltak

I koronasituasjonen lever vi med ei usikkerheit som vi ikkje er vant til, og det sosiale livet er avgrensa. Dette kan vere ei psykisk belastning og mange kan oppleve at livet er vanskeleg. Då kan det hjelpe å snakke eller skrive med nokon. 

Her kan du sjå kven du kan snakke med!

Hovudinngangene på campusane våre opne for besøkande måndag–fredag kl. 07.30–15.45. I Sogndal er det døra nede i Høgskulebygget som er open. Bibliotek, lesesalar og grupperom er tilgjengelige.

Studentar kan óg bruke nøkkelkort i desse tidsromma:

• Studentar har tilgang måndag–fredag kl. 07.30–22.00
• Studentar har tilgang laurdag kl. 10.00–18.00

Bygga våre er stengde for studentar og besøkande frå og med 19. juni til og med 9. august.

Er du svolten?

• Bergen: Hovudkafeen i Bergen ligg i K1, og det same gjer Kaffibaren Stasjonen. Kafeen Sidesporet finn du i K2.
• Førde: Her finn du informasjon om serveringstilbodet i Førde.
• Haugesund: Sjå opningstidene til kaffibar og kantine i Haugesund.
• Sogndal: Her finn du informasjon om serveringstilbodet i Sogndal.
• Stord: Kantina stengde 17. mars grunna smittesituasjonen i kommunen. Her finn du informasjon om serveringstilbodet på Stord.

I sjekklista for smittevern i ordinære undervisningsrom kan du sjå kva for reinhald som må gjennomførast før alle set seg og fysisk undervisning startar.

Skal du ha øvingar i SimArena, bruke laboratorium eller spesialrom? Sjå våre retningslinjer for smittevern ved HVL.

Er nettstudier nytt for deg? Sjå vår nettundervisningsressurs for studentar.

Styresmaktene legg til grunn at studentpraksis, så langt det er mogleg, skal gjennomførast sjølv i periodar med svært strenge smittevernstiltak. Saman med praksisstadane planlegg HVL å gjennomføre praksis våren 2021 som normalt, og innan dei til ein kvar tid gjeldande retningslinjer. Så lenge ein ikkje høyrer noko anna, skal studentar møte opp i praksis som planlagt. Ver merksam på at situasjonen knytt til koronapandemien og retningslinjene frå myndigheitene stadig er i endring.

Dersom praksisstader innfører eigne smitteverntiltak som kan påverke praksisgjennomføringa, jobbar vi saman med praksisfeltet for å finne gode løysingar slik at studentar ikkje skal få forseinkingar i studieløpet. Hald deg oppdatert i Canvas og på hvl.no/praksis.

Rettleiingstenesta til biblioteket er fortrinnsvis digital, og biblioteket er òg tilgjengeleg på chat alle kvardagar kl. 10-14.

Her finn du meir informasjon om koronatiltak på biblioteket.

På grunn av koronapandemien er hovudregelen våren 2021 at skriftlege skuleeksamenar ikkje vil bli arrangert fysisk på campus. Dette gjeld likevel ikkje praktiske prøvar og praktiske eksamenar som det ikkje er mogleg å gjennomføre digitalt eller som heimeeksamen.

Følg med i Studentweb for informasjon om kva som gjeld for din eksamen. Der vil informasjon om eksamenar bli oppdatert fortløpande, og endringar som blir gjort seinare enn 1 veke før eksamensdato blir også kommunisert direkte til deg.

Planlagte heimeeksamenar, oppgåver og andre innleveringar blir gjennomført som vanleg.

Du finn meir informasjon om eksamen på hvl.no/eksamen.

Eventuelle arrangement på campus må følgje Covid-19 forskrifta sitt kapittel 5 og FHI sin rettleiar på området. Å vere ansvarleg for arrangement er krevjande, så dersom ein meiner at det er naudsynt å gjennomføre arrangement, så vert det tilrådd at dette flyttast vekk frå HVL og til hotell eller andre profesjonelle arrangørar.

Med arrangement skal ein ved HVL forstå alle samlingar/aktivitetar som ikkje er del av undervisninga eller eit møte som del av det ordinære arbeidet. Eksempel på arrangement kan vere:

• Kulturarrangement, inkl. konsertar og framsyningar (der dette ikkje er ein del av den ordinære planlagde undervisninga)
• Seminar
• Konferanse
• Kurs (intern og ekstern opplæringsaktivitet som ikkje er del av den planlagde undervisninga)
• Medlemsmøte
• Faglege samlingar (ut over ordinære møter i faggrupper og liknande)
• Sosiale tilstellningar

Lista er ikkje uttømmande. Viss du er i tvil om samlinga/aktiviteten er eit arrangement, så skal du velje å definere det som arrangement og følgje reglar og rettleiingar for dette.

Fekk du varsel hausten 2019 om at du kunne miste studieretten grunna manglande studiepoengproduksjon i to semester? Grunna koronasituasjonen vil du ikkje tape studieretten på grunnlag av manglande produksjon av studiepoeng før tidlegast våren 2022. Merk at du må produsere studiepoeng hausten 2021 for å behalde studieretten.

Brukte du opp utvida tid utover normert studietid i tidsrommet frå og med vårsemesteret 2020 til og med vårsemesteret 2021, kan du søke om få innvilga utvida studierett med eitt semester.

Her kan du lese meir om studierett.

HVL ønsker å bidra til å redusere spreiinga av covid-19. Derfor set vi pris på om studentar og tilsette som er smitta melder frå om dette, slik at HVL kan iverksette dei riktige smitteverntiltaka.

• Tilsette som er bekrefta smitta kan melde frå til sin leiar, som vil melde dette vidare i linja.  
• Studentar som er bekrefta smitta kan melde frå til sin kontaktlærar, som vil melde dette vidare i linja.

Fordi informasjon om helse er sensitive opplysingar, anbefaler vi at du snakkar direkte med leiaren eller kontaktlæraren din i staden for å sende melding eller e-post.