Lytt og lær om ingeniørutdanninga si historie
Er du interessert i historie og samfunnsutvikling? Då er podcasten "Ingeniørane som bygde Vestlandet" noko for deg!
Saman med ulike gjester i studio, drar programleiar Anne Sofie Bjelland oss gjennom reisa frå etableringa av Bergen Tekniske Skole i 1875 og fram til i dag. Gjennom fem episodar får vi høyre korleis ingeniøryrket har vakse fram og utvikla seg i takt med store endringar i samfunnet.
Frå å vere ei utdanning for dei få og priviligerte, blir i dag fleire hundre ingeniørar utdanna ved Høgskulen på Vestlandet kvart år. Vi følgjer utdanninga gjennom oppturar og nedturar. Gjennom små og store historier får du eit innblikk i korleis den har tatt form.
Podcasten er laga i samband med ingeniørutdanninga sitt 150-årsjubileum i 2025. Den består av fem episodar:
- Teknikarane som bygde framtida
- Utdanningseksplosjonen
- Brytningstid
- Kvinner i ingeniørfag
- Inn i framtida
Du finn alle episodane der du lyttar til podcast (Spotify, Apple m.fl).
Du kan også lytte til podcasten her.
Podcasten er produsert av Medielab ved HVL.
