Ny toppleiing tilsett ved HVL
Styret har tilsett tre prorektorar og fire dekanar.
Det var under dagens digitale styremøte at dei sju nye toppleiarane blei tilsett. Her er det både nye og kjente namn.
Dei nye toppleiarane i HVL er:
- Prorektor for forsking: Gro Anita Fonnes Flaten
- Prorektor for utdanning: Anne-Grethe Naustdal
- Prorektor for regional utvikling: Geir Kåre Resaland
- Dekan Fakultet for lærarutdanning, kultur og idrett: Asle Holthe
- Dekan Fakultet for helse- og sosialvitskap: Randi Skår
- Dekan Fakultet for ingeniør- og naturvitskap: Jens Kristian Fosse
- Dekan Fakultet for økonomi og samfunnsvitskap: Torbjørn S. Heyerdahl
- Eg er glad for at styret i dag har tilsett motiverte og kompetente toppleiarar, og eg gler meg til å arbeida i lag med dei i leiargruppa.
- Vi har hatt mange sterke søkjarar til stillingane, seier rektor Gunnar Yttri.
Han fortel at dei sju nye leiarane startar i stillingane sine 1. august, og er tilsett for fire år. Dei inngår i rektor si leiargruppe i lag med dei to direktørane Tage Båtsvik og Helge Skugstad.
