I juni vil regnbogeflagget vaie på alle campusane ved HVL. I tillegg kan studentar og tilsette hente flagg til paradane hos servicetorget, dagen før paraden.
Mari-Louise Uldbæk Stephan
Fagansvarleg
Høgskulen på Vestlandet

Høgskulen på Vestlandet markerer Pride

Denne månaden feirar vi mangfald med flagging, bokutstillingar og deltaking i paradane.

– Alle studentar, tilsette og samarbeidspartnarar skal oppleve HVL som ein god og open stad. No under Pride-dagane, men også til alle tider, seier Gunnar Yttri, rektor ved Høgskulen på Vestlandet.

Yttri ønskjer alle tillukke med denne viktige markeringa.

– Vi står opp for grunnleggande verdiar og like rettar. Vi markerer Pride og tek oppgjer med intoleranse, hatefulle ytringar og utanforskap, seier han.

HVL i paradane

Høgskulen på Vestlandet deltek i paradane i Bergen, Førde, Haugesund, Sogndal og på Stord. Målet er godt oppmøte frå både studentar og tilsette.

Her er oversikt over datoane. Meir detaljert informasjon vil bli lagt til i denne saka fortløpande.

  • Bergen 6. juni: Regnbuedagene bergenpride.no. Oppmøte mellom 12 - 13 på Festningskaien. Paraden startar klokka 13 ved Statsraaden Bar & Reception
  • Førde: 6. juni: Paraden startar klokka 12.00. Oppmøte klokka 11.45 frå Elvesus. Paraden går til Førdehuset, deretter mot Elvetorget og tilbake. Etterpå blir det appell og musikkinnslag.
  • Haugesund 13. juni: Haugaland Pride Oppmøte skjer i Byparken seinast klokka 12. Paraden startar klokka 13. 
  • Stord 20. juni: Storapride 2026
  • Sogndal 29. august: SognaPride

Vi heisar flagget

I juni vil regnbogeflagget vaie på alle campusane. I tillegg kan studentar og tilsette hente flagg til paradane hos servicetorget, dagen før paraden.

Skeiv litteratur

I Pride-månaden blir det bokutstillingar i HVL-bibliotek med vekt på skeiv litteratur og bøker med mangfaldstematikk.

Les meir

I denne saka kan du lese om HVL sin handlingsplan for likestilling, mangfald og inkludering