Studentassistenter ved HVL IT

Om stillingane

Det er ledig 8 stillingar som studentassistent ved IT for perioden 08.2026 til 06.2027. Oppstart skjer etter avtale. Stillingane er timeløna og utgjer om lag 7 timar per veke i semesteret. Vi vurderer søknader fortløpande.

Stillingane er fordelte på to ulike roller:

• 5 stillingar som AV-studentassistent
• 3 stillingar som studentassistent for IT-hjelp til studentar

Som studentassistent ved IT får du høve til å bidra til betre IT- og AV-støtte på campus Bergen. Du blir ein del av eit praktisk og brukarorientert miljø, der du får erfaring med teknologiske løysingar, service og problemløysing i møte med studentar og tilsette.

Felles opplæring vil bli gitt før oppstart i stillinga.

Stillinga gir relevant arbeidserfaring, løn og kompetanse som er etterspurd i arbeidslivet, og vil vere eit godt tilskot til CV-en.

 

Studentassistent for IT-hjelp til studentar

Denne rolla handlar i hovudsak om å gi praktisk IT-støtte til medstudentar ved campus Bergen.

Ansvarsområde

• IT-støtte til studentar
• Bidra til god og tilgjengeleg brukarstøtte på campus

Arbeidsoppgåver

• Gi IT-støtte til medstudentar
• Hjelpe med oppsett av WiFi
• Hjelpe med installasjon og bruk av programvare
• Gi enkel opplæring i relevante program
• Svare på spørsmål knytt til Microsoft 365/Office-pakken og andre tekniske spørsmål

 

AV-studentassistent

Denne rolla er retta mot støtte til bruk av lyd- og videoutstyr i undervisningsrom, møterom og andre relevante areal på campus Bergen. Arbeidet vil i større grad vere knytt til hjelp for tilsette, særleg ved oppstart av undervisningsøkter og bruk av videokonferanseutstyr.

Ansvarsområde

• AV-støtte i undervisningsrom og møterom
• Praktisk hjelp til tilsette ved bruk av teknisk utstyr
• Bidra til trygg og stabil gjennomføring av undervisning og møteaktivitet

Arbeidsoppgåver

• Hjelpe tilsette med oppstart av undervisningsøkter
• Gi støtte ved bruk av lyd- og videoutstyr
• Hjelpe med videokonferansar og digitale møte
• Kontrollere og klargjere AV-utstyr i undervisningsrom
• Melde vidare feil eller behov for teknisk oppfølging til IT/AV-personell
  
  
  

Kvalifikasjonar

• Bachelor- eller masterstudentar ved HVL kan søkje på stillinga.
• Interesse for teknologi, forbetring og kundeservice.
• God skriftleg og munnleg framstillingsevne på norsk, eventuelt eit anna skandinavisk språk, og engelsk.

Ønskte kvalifikasjonar

• Du har lyst til og er motivert for å arbeide med teknologi og formidling.
• Du evnar å lære deg ny teknologi.
• Du kan arbeide sjølvstendig og likar å samarbeide med andre.
• Du er strukturert og god til å planleggje, men samtidig fleksibel og har evne til å improvisere.
• Du har ordenssans og arbeider systematisk.

Personlege eigenskapar

• Motivert
• Kreativ
• Initiativrik
• Sjølvstendig
• Gode samarbeidsevner

Lønsvilkår

Studentassistentar får timeløn. Satsane er som følgjer:

Studentassistentar utan fullført grad: kr 200
Studentassistentar med påbegynt bachelor: kr 228
Studentassistentar med påbegynt master: kr 246
Studentassistentar med fullført master: kr 279

Som studentassistent vil du få nødvendig opplæring i arbeidsoppgåvene. Opplæringa er betalt.

Korleis søkje på stillingane

Søknad med CV sender du til vea@hvl.no.

Søknadene blir behandla av einingsleiar Vegard Anuglen. Spørsmål om stillingane kan rettast til vea@hvl.no.

Endeleg søknadsfrist er 15. august 2026, men vi vurderer søknader fortløpande frå 27. mai 2026.