Arbeids- og kompetanseområde
Eg er høgskulelærar ved bachelorutdanninga i sjukepleie, campus Førde, og byrja her hausten 2021.
Sjølv er eg utdanna sjukepleiar frå Høgskulen i Bergen i 2014, og har seinare fullført vidareutdanning innan praktisk pedagogisk utdanning (PPU). Som sjukepleiar har eg sju års arbeidserfaring frå sjukehus, der eg har jobba innan fagfelta nevrologi, revmatologi og rehabilitering. I tillegg har eg kort arbeidserfaring som lærar på vidaregåande skule. Held per dags dato på med master i avansert klinisk allmennsjukepleie (planlagt fullført 2026).
Eg underviser i ulike emner knytt til bachelorutdanninga i sjukepleie, hovudsakleg i anatomi og fysiologi, sjukdomslære og sjukepleie ved akutt, kronisk og kritisk sjukdom. Eg er også praksislærar for studentar på fleire årstrinn innanfor bachelorutdanninga, som hovudsakleg innebær rettleia praksis på sjukeheim og sjukehus.
Dei emnekodane eg har mest tilknytning til er:
SYK100, SYK130, SYK140, SYK120P, SYK200, SYK220P, SYK230P og SYK360P.
Kvalitet i rettleia praksisstudium – erfaringar og utfordringar for kontaktsjukepleiar og studentar
Kvalitet og innovasjon i helse- og omsorgstenesta