Oppfylging og samarbeid rundt barn som pårørande

Prosjektsamandrag

Barn er ikkje pårørande slik vaksne er det. Barna er knytt til foreldra sine på godt og vondt, og når foreldre på grunn av sjukdom ikkje er i stand til å utøve foreldreskapet sitt, står barna i fare for å utvikle alvorlege psykososiale problem. I år er det 10 år sidan det kom ei endring i helsepersonellova,  der helsepersonell sitt ansvar i samband med kartlegging, informasjon og oppfylging av barn som pårørande blei gjort tydeleg. Undersøkingar tyder likevel på at barn som pårørande berre i liten grad blir fylgt opp etter intensjonen i helsepersonellova. Det er gjort noko forsking på korleis barn som pårørande blir fylgt opp i helseføretaka, men lite på korleis barna blir fylgt opp i kommunane.

Formålet med studien er å utforske meir kva kjennskap tilsette i kommunane har til lovverket rundt barn som pårørande, kva mogelegheiter dei opplever å ha, kva erfaringar, kjennskap, haldningar og tankar dei har rundt tenestene si plikt til å kartlegge, informere og fylgje opp barna. Sidan fleire kommunar no har tatt BTI-modellen i bruk, ønsker eg også gjennom studien å utforske om modellen kan gje betre oppfølging av barn som pårørande.

Metode

Fokusgruppeintervjuer og eitt individuelt intervju