Parlamentarisme i norske regionar

Prosjektsamandrag

Dette prosjektet studerer verknadene av å innføre parlamentarisme som politisk styringsmodell i norske fylkeskommunar. Parlamentarisme tyder at fylkesutvalet, der dei politiske grupperingane i fylkestinget er representerte i høve til styrken i tinget, blir erstatta av eit fylkesråd med støtte frå ei fleirtalsgruppering på fylkestinget. Etter at kommunar og fylkeskommunar fekk høve til å velje parlamentarisme som styringsform i 1993, har fire fylkeskommunar valt denne styringsforma. Tanken bak var at parlamentarismen skulle vitalisere lokal- og regionalpolitikken ved at dei politiske skiljelinene mellom posisjon og opposisjon vart tydelegare, og at ansvaret for politiske tiltak skulle bli tydelegare plassert. I prosjektet samanlikna vi fylka med parlamentarisme med eit utval kontrollfylke som har den tradisjonelle fylkesutvalsmodellen, for å finne ut kva verknader innføring av parlamentarisme har for den politiske styringa.

Metode

Komparativ survey, caseregionar og kontrollregionar