Eksempelstudiar. Eksempelforteljinga som ressurs i undervisninga.

Prosjektsamandrag

Eksempelstudiane er retta mot eksempelbruken i undervisning i grunnskulen, på høgskular og på universitet. I undersøkinga mi vil eg leggja hovudvekta på munnlege eksempel, men eg vil og studera eksempelbruk i skrift som ein referanse til munnlege eksempel. Eg samlar inn eksempeldøme gjennom observasjon av undervisning, intervju og lærebokanalysar. Aktuelle teoriar i dette arbeidet er m.a. retorikk, hermeneutikk og teori om munnleg og skriftleg framstilling. Eksempelstudiane er studiar av forholdet mellom det partikulære og det generelle, mellom ulike erkjenningsmåtar og mellom ulike kunnskapstypar. Eksempelstudiane gir såleis ein kultur- og språkorientert innfallsvinkel til læring. Presentasjon av problemstillingar for arbeidet, sjå Sissel Høisæter: "Om eksempelet. Ei forelesing som eksempel", i Hansteen, Marius m.fl.(red.): Retorikkens tidsrom. Retorisk årbok 1997 Universitetet i Bergen: Senter for europeiske kulturstudier