Poesi og framføring

Prosjektsamandrag

Mål

Tema for prosjektet er musikalske/lydlege møte med poesi og det har to siktemål:

• undersøkje det didaktiske potensialet i munnlege framføringar

• utforske framføring av poesi som multimedialt uttrykk

 

Om prosjektet

Prosjektet er todelt. Opplesing av poetiske tekstar som tolkingsform og retorisk kommunikasjon: Denne delen er ei utforsking av musikalske element i dikt og diktopplesing, og spør kva for estetisk verknad

det har å la eit dikt ’lyde’ i rommet. Korleis kan arbeid med opplesing (analytisk og utøvande)

bidra til å utforske ‘lyden i lyrikken’? Analysematerialet er lyd- og videoopptak av elev-og

studentframføringar, forfattarar som les eigne dikt og eigen opplesingspraksis.

Den kunnskapsteoretiske basen er retorikk og hermeneutikk.

Poesi og framføring som performativ kunst: Dette er ei undersøkjing av det multimediale

samspelet mellom talens og musikkens formregister. Det byggjer på erfaringar frå tverrfaglege

lyrikkprosjekt som utforskar kva som skjer når ulike kunstartar møtast og skaper eit nytt

uttrykk.