Studentambassadørar for HVL
Er du ein engasjert HVL-student som ser etter ein spennande deltidsjobb? Då kan jobben som studentambassadør vere noko for deg!
Som studentambassadør vil du ha ei viktig rolle i arbeidet med å marknadsføre høgskulen og hjelpe dei som vurderer å søke utdanning hos oss.
Dette er ein perfekt deltidsjobb for studentar! Vi tar omsyn til praksis og obligatorisk undervisning. Å vere studentambassadør for HVL er ein fleksibel, sosial og gøy jobb.
Stillinga er timebasert, og tilsvarar omtrent ein 20 %-stilling. Lønnstrinn 32 (ca. 206 kr/t).
Vi skal tilsette ei gruppe studentar, og ser etter deg som vil jobbe som innhaldsprodusent til SoMe eller reisande ambassadør.
Innhaldsprodusent til sosiale medium
Kva skal du gjere?
- Lage innhald til HVL sin Instagram og TikTok.
- Komme med innspel til utvikling av HVL sine kanalar.
- Svare på spørsmål på vår chat på hvl.no i periodar.
- Andre oppgåver kan også bli aktuelt.
Du blir del av ein studentredaksjon med studentar frå fleire campusar. Redaksjonen har digitalt redaksjonsmøte ein gong i veka.
Passar for deg som..
- Er kreativ, engasjert og aktiv.
- Ønskjer å lage gøy og inspirerande innhald.
- Trivst foran kamera.
- Likar å lære nye ting.
- Vil bli kjend med andre studentar.
- Har god formidlingsevne på norsk, både munnleg og skriftleg.
Reisande ambassadør
Kva skal du gjere?
- Reise på besøk til skular (hovudsakleg på vestlandet) for å halde presentasjonar og stå på stand.
- Presentere høgskulen under ulike arrangement på campusane våre.
- Halde omvisingar på campus.
- Svare på spørsmål på vår chat på hvl.no i periodar.
- Andre oppgåver kan også bli aktuelt.
På messer og skulebesøk reiser du som regel saman med andre HVL-ambassadørar.
Passar for deg som..
- Er sosial, positiv og løysingsorientert.
- Likar å snakke med folk, også for forsamlingar.
- Vil lære presentasjonsteknikk.
- Vil bli kjend med andre studentar.
- Har god formidlingsevne på norsk, både munnleg og skriftleg.
Noko for deg?
Høyres dette ut som noko for deg? Send oss ein søknad der du svarar på spørsmåla under:
- Kva heiter du og kor er du frå?
- Kva studerer du og kvifor valde du dette?
- Kva erfaring har du frå før?
- Kvifor har du lyst til å vere studentambassadør?
- Vil du vere innhaldsprodusent eller reisande ambassadør?
Søknadsfrist: mandag 4. september
Aktuelle søkarar blir kalla inn til intervju i september.