Ung lærar – langsiktig lærarrekruttering
Ung Lærar er eit gratis, komplett undervisningsopplegg knytt til faget utdanningsval på ungdomstrinnet. Ved å tenna den indre gløden hos den einskilde, vil fleire kunne ha læraryrket som eit alternativ når dei skal søkja høgare utdanning.
Målet er å inspirere fleire ungdommar til å vurdere læraryrket som framtidig utdannings- og yrkesval. I Ung Lærar står eleven og opplevinga i sentrum, dei får prøve seg i lærarrolla, oppleve meistring og sjå kva som ligg bak lærararbeidet.
To måtar å gjennomføre på
Ung Lærar kan tilpassast ulike skular og rammer:
-
Saman med lærarutdanninga: Elevane får ein dag på campus saman med lærarstudentar og ein dag der dei gjennomfører draumetimen på barneskulen.
-
På eigen skule: Elevane underviser yngre elevar på eigen eller nærliggande skule, med lærarane som mentorar.
Uansett variant er opplegget lagt opp slik at det blir trygt, pedagogisk solid og enkelt å ta i bruk.
Ung lærar er resultatet av eit samarbeid mellom Forum for oppvekst i Sunnhordland (FOS) og Høgskulen på Vestlandet (HVL) med eit mål om å auka rekrutteringa til lærarutdanningane.
Dette er Ung Lærar
Erfaringar med ung lærar
Ung lærar på Moster
