Får 12 millionar kroner til desentraliserte og fleksible utdanningar

Det er Direktoratet for høyere utdanning og kompetanse (HK-dir) som administrerer ordninga. HVL leverte totalt 29 søknader til denne utlysinga.

Her er prosjekta som HVL har fått støtte til:

• Desentralisert og fleksibel mastergrad i industriell økonomi ved Høgskulen på Vestlandet, NOK 6 705 892
  
  
• Videreutdanning for ansatte i skolefritidsordningen (SFO), NOK 3 236 861
  
  
• I medvind for næringslivet i indre Haugalandet (Ølen), NOK 2 063 379

Litt om prosjekta:

I medvind for næringslivet i indre Haugalandet

I dette prosjektet vil HVL tilby 9 kurs som er sett saman til ein kurspakke med 2,5-7,5 studiepoeng per kurs i prosjektleiing, berekraft, leiing og prosjektplanlegging.

Målgruppa for kursa er tilsette i fleire store og mellomstore bedrifter i dette området . Bedriftene skal tilpasse seg det grøne skiftet og endringar i marknad og samfunnet, og etterspør høgare utdanning innan fleire fagområde.

Studietilbodet er samlingsbasert i Ølen i Vindafjord kommune.

Knut Steffen Kvala og Tone Merete Bekke er kontaktpersonar.

Vidareutdanning for tilsette i skulefritidsordninga (SFO)

Dette er ei nettbasert vidareutdanning for tilsette i SFO bygd på fire modular som kvar er på 7,5 studiepoeng. Tematikkar er: Mat og bevegelsesglede, mat og måltidsglede, fysisk aktivitet og bevegelsesglede, Kultur, Leik.

Mat og bevegelsesglede er alt eit studietilbod, men blir no vidareutvikla.

Lene Bakke er prosjektleiar med administrativ prosjektleiing frå Lise Tønjum.

Desentralisert og fleksibel mastergrad i industriell økonomi

Mastergraden vil byggje på både tekniske og økonomiske fagområde, og studentane vil mellom anna lære om økonomistyring, logistikk, prosjektleiing, kvalitetsstyring, marknadsføring og innovasjon. Programmet vil dermed gi ei allsidig utdanning innanfor industriell økonomi, og kandidatane vil vere relevante for ein rekkje karrieremoglegheiter innanfor både private og offentlege verksemder.

Som ein del av utdanninga vil vi prøve å opne for praksis, og studentane kan knyte masteroppgåva si inn mot dette. Utdanninga vil bli organisert med intensive fysiske samlingar både på campus og hos industri eller næringsaktørar. Det blir og digitale samlingar. I det vidare utviklingsarbeidet vil ein sjå prosjektet på tvers av campus og fleire bidragsytarar vil bli inkludert.

Tore Frimannslund er prosjektleiar, og har med seg ressurspersonar frå både Fakultet for ingeniør- og naturvitskap, Fakultet for økonomi og samfunnsvitskap, og administrasjonen i arbeidet.

Pressemelding frå Regjeringa