Styresak: strategisk dimensjonering av studieportefølje – omfordeling av studieplassar mellom fakultet
Torsdag 10. september møtest høgskulestyret til haustens første styremøte ved campus Bergen. På sakskartet står mellom anna saka om strategisk dimensjonering av studieportefølje – omfordeling av studieplassar mellom fakultet.
Under følgjer rektor sitt framlegg til vedtak/innstilling i denne saka.
Forslag til vedtak/innstilling:
Styret ber rektor utvikle saka vidare fram til vedtak i styremøtet i oktober langs følgjande prinsipp:
• HVL skal ha mål om å fylle studieplassane og utdanne kandidatar som samfunnet treng og etterspør
• HVL skal ha mål om å utnytte dei samla ressursane betre i møte med regionale og nasjonale kompetansebehov
• HVL skal sikre betre samsvar mellom basistildelinga til fakulteta og den reelle studieaktiviteten, og arbeide fram rimeleg like vilkår mellom fakulteta for å utføre heile samfunnsoppdraget
• HVL skal ta omsyn til den regionale og nasjonale konkurransesituasjonen for utdanningar i HVL.
Styret ber rektor utvikle saka vidare med ei omfordeling av finansierte studieplassar i ein storleiksorden som er skissert i dei to høgaste alternativa (forslag 2 og forslag 3). Omfordelinga skal skje i ein 4-årsperiode. Arbeidet skal ta omsyn til konsekvensvurderingane og uttalane som følgjer saka. Saka i oktobermøtet skal også innehalde vurderingar av fakulteta sine avsetjingar og handlingsrommet det gir.
I arbeidet med å gi den strategiske dimensjoneringa av studieporteføljen føreseielege rammer, ber styret rektor om å legge fram ein plan for evaluering og revisjon av rammefordelingsmodellen i det same møtet.
Lenke til styresaka og avgjerdsnotat
Lenke til alle styresakene
