To fakultet blir til eitt
1. januar blir Fakultet for ingeniør- og naturvitskap og Fakultet for økonomi og samfunnsvitskap slått saman. Namnet på det nye fakultetet blir Fakultet for teknologi, miljø- og samfunnsvitskap.
Samanlslåinga av dei to fakulteta vil ikkje ha følgjer for studentane og studieprogramma. Samanslåinga er først og fremst ei intern omorganisering, og studentane vil framleis få den same utdanninga, undervisinga og tenestene som før.
Det engelske namnet på fakultetet blir Faculty of Technology, Environmental and Social Sciences.
Som eit ledd i samanslåinga, vil også nokre av institutta bli slått saman. Dette gjeld følgjande institutt:
- Institutt for maskin- og marinfag blir slått saman med Institutt for maritime studium
- Institutt for økonomi og administrasjon blir slått saman med Institutt for samfunnsvitskap
- Institutt for byggfag blir slått saman med Institutt for miljø- og naturvitskap
Samanslåinga av institutt vil heller ikkje ha noko å seie i praksis for studentane, anna enn at instituttet vil få eit nytt namn.
Vi ønskjer nye og gamle studentar velkommen til Fakultet for teknologi, miljø- og samfunnsvitskap i 2024!