Er dagens unge godt nok førebudd for høgare utdanning?
Campus Bergen, Inndalsveien 28, Kronstadtorget (K1)
Lese og skrive og rekne er bra, heiter det i den kjende songen frå Skolens sangbok. Men er dagens elevar godt nok førebudde på det som møter dei på universitet og høgskular?
Skriv dei godt nok, reknar dei godt nok – og les dei så dårleg som dei ferske Pisa-resultata viser?
Khrono og Høgskulen på Vestlandet tek debatten, måndag 9. november kl. 8.30 på Kronstadtorget. Servering av frukost frå 08.00.
Vi møter:
- Kristine Selvikvåg Lundervold, høgskulelektor ved Høgskulen på Vestlandet og leiar Realfagsløft Vestland
- Frode Helmich Pedersen, professor i nordisk litteraturvitskap ved Universitetet i Bergen
- Anne-Grethe Naustdal, prorektor for utdanning ved Høgskulen på Vestlandet
- Ann-Kristin Molde og Thomas Nordbø-Rasmussen, begge fagrettleiarar og lektorar ved Sotra videregåande skole
- Hallgeir Mandelid Østensen, grunnskulelærarstudent og leiar av Studenttinget på Vestlandet
Debattleiarar: Tove Lie, politisk redaktør i Khrono og Hilde Kristin Strand, journalist i Khrono.
