Utvikling og vidareutvikling av KI-verktøy, modellar, appar og anna
Skal du utvikle eller vidareutvikle verktøy, modellar, appar og anna som gjer bruk av kunstig intelligens?
I arbeidet med utvikling eller vidareutvikling av KI-verktøy, modellar, appar og anna bruk, er EU sine Ethics Guidelines for trustworthy AI særskild relevant. Ifølgje retningslinjene bør påliteleg kunstig intelligens vere:
- Lovleg – i samsvar med gjeldande lover og forskrifter
- Etisk – i tråd med etiske prinsipp og verdiar
- Robust – både frå eit teknisk perspektiv og med omsyn til den sosiale konteksten
Vurderingsliste for påliteleg kunstig intelligens
EU har utvikla ei vurderingsliste som kan brukast i gjennomføring av ei eigenvurdering av om KI er påliteleg. Sju sentrale krav ligg til grunn:
- Menneskeleg kontroll og tilsyn
- Teknisk robust og tryggleik
- Personvern og datastyring
- Openheit
- Mangfald, ikkje-diskriminering og rettferd
- Miljømessig og samfunnsmessig berekraft
- Ansvarleg bruk
Gjennom vurderingslista for påliteleg kunstig intelligens (ALTAI) blir desse prinsippa omsett til ei tilgjengeleg og dynamisk sjekkliste som rettleier utviklarar og brukarar i implementeringa av prinsippa i praksis. ALTAI skal bidra til at brukarar dreg nytte av kunstig intelligens utan å bli utsett for unødvendige risikoar, ved å angi konkrete steg for eigenvurdering.
- Sjå vurderingslista for påliteleg kunstig intelligens (ALTAI) (.pdf)
- ALTAI er også tilgjengeleg som et nettbasert verktøy. Les om det nettbaserte ALTAI-verktøyet.
EU-forordninga om KI
KI-forordninga Artificial Intelligence Act vart gjeldande i EU frå 1. august 2024, og vil truleg bli inkorporert i norsk lov i løpet av 2025.
