Arbeidet med boka skjer ved at dei røynde, men no gjerne pensjonerte fagfolka som Svein Ole Sataøen, Johannes Thaule, Aud Marie Stundal, Svein Heggheim og Knut Roald, sameinar krefter med tilsette som driv og utviklar dagens barnehagelærar-utdanning i HVL: Studieprogramleiar Margareth Eilifsen, førstelektor Kjersti Sandnes Haukedal og postdoktor Hege Fimreite (ikkje med på biletet).

Førebur bok

Denne gode gjengen er i full verksemd med å planleggja boka som i 2025 skal markera at det er 50 år sidan barnehagelærar-utdanninga i Sogndal vart skipa.

På tampen av arbeidsveka møtte eg dei på Kronstad, i femte etasje på K2.

Eg rakk berre ein kort prat, men det var givande å høyra både om det historiske arbeidet og skarpe perspektiv på den vidare utviklinga av barnehagelærar-utdanning.

Eg gler meg til det vidare arbeidet med og ferdigstillinga av boka der historiske særkjenne ved barnehagelærar-utdanninga i Sogndal vil koma fram.

HVL tilbyr i dag barnehagelærar-utdanning med utgangspunkt i fagmiljø i Bergen, på Stord og i Sogndal. Dei har kvar sine historiske røter. Men kombinasjonen av historisk medvit og samtidige og framtidige ambisjonar er felles.