Arbeids- og kompetanseområde
Eg er stipendiat i norsk, og forskar på borns dialektveksling i rolleleik. Forsking på språkbruk i rolleleik syner nemleg at born som bur utanfor austlandsområdet, vekslar mellom eiga, lokal dialekt og eit bokmålsnært talemål. Målet med prosjektet er å få kunnskap om små born som skal ha nynorsk som opplæringsmål sin kompetanse i eit bokmålsnært talemål, slik han syner seg gjennom språkbruk i rolleleik. Å få kunnskap om små borns kompetanse i norske varietetar kan seie noko om den fleirdialektale konteksten til desse borna, og kompetansen borna syner i eit bokmålsnært talemål, vil truleg vere ein faktor for deira seinare utvikling av skriftspråklege ferdigheiter. Prosjektet femner såleis om tema som språktileigning og -utvikling, i tillegg til vilkår for språk(opp)læring.
- Begynnaropplæring i norsk
- Tidleg skriftspråkutvikling og -stimulering
- Grunnleggjande ferdigheiter med fokus på lesing og skriving
- Kritisk analyse av tekst
- Retorikk
- Språktileigning og -utvikling
- Vilkår for språk(opp)læring