Mannlege studentar møter barnehagelærarutdanninga

Prosjektsamandrag

Prosjektet har som mål, gjennom ulik type fagleg aktivitet lokalt, å følgje opp det arbeidet Kunnskapsdepartementet gjer for å få fleire menn til barnehagelærarutdanninga og til barnehagearbeid.

Utdanningsinstitusjonane har eit særleg ansvar når det gjeld rekruttering av mannlege førskulelærarstudentar. I tillegg skal dei også arbeide aktivt med å leggje til rette gode studievilkår for dei mannlege studentane i utdanninga, og slik auke sjansen for god studiegjennomføring.

Med bakgrunn i denne målsetjinga har det vore sett i verk ulike organisatoriske og faglege tiltak retta mot dei mannlege studentane det første studieåret. I tillegg til det har bakgrunnen deira og motivasjonen deira for val av utdanning vore kartlagt. Oppsummeringane av dette arbeidet er formidla i artiklar, rapportar og bokkapittel.