Praksissamarbeid med Fakultet for helse- og sosialvitskap
Fakultet for helse- og sosialvitskap samarbeider tett med offentlege og private verksemder på heile Vestlandet om utdanning for studentane våre. Vi samarbeider også om forskings- og innovasjonsprosjekt innanfor helse- og sosialtenestene.
Høgskulen på Vestlandet (HVL) er ein profesjons- og arbeidslivsretta høgskule. Vi utdannar studentar på bachelornivå innanfor åtte helse- og velferdsprofesjonar: sjukepleie, vernepleie, fysioterapi, ergoterapi, sosialt arbeid, barnevern, radiografi og bioingeniør. På masternivå har vi utdanningar som jordmor, helsesjukepleie, klinisk fysioterapi og psykisk helse- og rusarbeid.
Alle profesjonsutdanningane ved Fakultet for helse- og sosialvitskap (FHS) har eit tett samarbeid med arbeidslivet vi utdannar til. Praksisstudiar er ein stor del av mange av utdanningane våre, og på bachelorstudiet i sjukepleie utgjer til dømes praksis halvparten av den treårige utdanninga.
Vi samarbeider med offentlege og private aktørar
Fakultetet samarbeider med ei rekke offentlege og private verksemder i Vestland, samt Rogaland og Agder. Dette samarbeidet er nedfelt i eigne lovfesta samarbeidsavtalar om utdanning og praksisstudiar (studietilsynsforskifta § 2 - 2 (9) og forskrift om felles rammeplan for helse- og sosialfagutdanninger § 3.). Føremålet med avtalane er at partane i samarbeid skal bidra til at utdanningane er av god kvalitet, er relevante og kunnskapsbaserte.
Dei mest omfattande samarbeidsavtalane har FHS med dei tre helseføretaka i HVL sitt nedslagsfelt, Helse Førde, Helse Fonna og Helse Bergen. Desse avtalane regulerer planlegging, gjennomføring, evaluering og kvalitetssikring av praksisstudiar. I tillegg omfattar dei mellom anna samarbeid om forskings- og innovasjonsprosjekt, kvalitet og kompetansebehov i utdanning og praksisstudiar, dimensjonering av utdanningskapasitet, og personalsamarbeid som delte stillingar mellom fakultetet og helseføretaka. Sjå meir om samarbeidsavtalane med helseføretaka under.
I tillegg til avtale med dei tre helseføretaka, har fakultet også samarbeidsavtalar med private sjukehus i regionen, samt Helse Stavanger og Sørlandet sjukehus.
Kommunane er og svært viktige samarbeidspartnar, og FHS har eigne avtalar med 51 kommunar i regionen, frå Førde i nord til Haugesund i sør. Desse avtalane regulerer i all hovudsak praksisstudiar. Tilgang til praksisplassar er ei utfordring, og dei seinare åra har fakultetet derfor fått fleire samarbeidsavtalar utanfor regionen, blant anna i Rogaland og Agder. Dette gjeld særleg innanfor fysio- og ergoterapiutdanningane.
Fakultetet har også samarbeidsavtalar med statlege etatar som NAV, Bufetat og Kriminalomsorga, samt private verksemder innanfor rusomsorg, psykisk helsevern, barnevern, radiografi og rehabilitering.
Les meir om dei ulike samarbeidspartnarane og avtalane under.
Våre samarbeidspartnarar for studentar i praksis
Helseføretak og sjukehus
Helse Bergen
Haukeland universitetssjukehus (HUS) er det største sjukehuset på Vestlandet, og den største samarbeidspartnaren vår i praksisstudiar. Helse Bergen har størstedelen av verksemda si på og ved Haukeland universitetssjukehus. I tillegg kjem store einingar som Divisjon for psykisk helsevern, Avdeling for rusmedisin, Avdeling for fysikalsk medisin og rehabilitering på Nordås, Kysthospitalet i Hagevik, og Voss sjukehus.
Her finn du det du treng å vite om samarbeidsavtalar og samarbeidsmøter med føretaket.
Helse Fonna
Helse Fonna er eit lokalt helseføretak, med tre somatiske sjukehus; Haugesund, Stord og Odda. Klinikk for psykisk helsevern og rus er organisert i to sjukehuseiningar, Haugesund og Valen. I tillegg har Helse Fonna fire distrikspsykiatriske senter og to barne- og ungdomspsykiatriske poliklinikkar.
Vi har avtalar med helseføretaka på ulike nivå. Her kan du lese om avtalane på nivå 1 og nivå 2.
Helse Førde
Helse Førde er eit lokalt helseføretak med eitt sentralsjukehus, Førde sentralsjukehus, og to lokalsjukehus: Nordfjord sjukehus og Lærdal sjukehus. I tillegg kjem Sunnfjord medisinske senter i Florø og to psykiatrisenter; Nordfjord psykiatrisenter og Indre Sogn psykiatrisenter.
Private og andre sjukehus og institusjonar
- NKS Olaviken alderspsykiatriske sjukehus
- Haraldsplass Diakonale sykehus
- Betanien sykehus
- Stavanger Universitetssykehus (for enkelte praksisplassar, eks. radiografi og fysioterapi)
- Solli Distriktspsykiatriske senter
- Voss distriktspsykiatriske senter (NKS Bjørkeli)
- Haugesund Sanitetsforenings Revmatismesykehus AS
Kommunar
Kommunar innanfor HVL sitt praksisområde
Kommunesamarbeid innanfor HVL sitt praksisområde:
- Bergen kommune
FHS har eit omfattande praksissamarbeid med to av byrådsavdelingane i Bergen kommune, byrådsavdeling for eldre, helse og omsorg og byrådsavdeling for barnevern, sosiale tjenester og mangfold. Kommunen tek imot studentar frå seks av dei sju bachelorprogramma, i tillegg til studentar på ulike masterprogram.
Eksempel på avtale med kommunane.
Bergensområdet - 5 kommunar i Vestland
- Askøy
- Austevoll
- Bjørnafjorden
- Samnanger
- Øygarden
Helse Fonna – 16 kommunar, 8 kommunar i Rogaland og 8 i Vestland
- Bokn
- Bømlo
- Etne
- Fitjar
- Haugesund
- Karmøy
- Kvinnherad
- Sauda
- Stord
- Suldal
- Sveio
- Tysnes
- Tysvær
- Ullensvang
- Utsira
- Vindafjord
Voss lokalsjukehusområde - 5 kommunar i Vestland
- Eidfjord
- Kvam
- Ulvik
- Vaksdal
- Voss herad
Nordhordland – 7 kommunar i Vestland
- Alver
- Austrheim
- Fedje
- Gulen
- Masfjorden
- Modalen
- Osterøy
Sogn – 7 kommunar i Vestland
- Aurland
- Gulen
- Høyanger
- Luster
- Lærdal
- Sogndal
- Vik
Fjordane – 10 kommunar i Vestland
- Askvoll
- Bremanger
- Fjaler
- Gloppen
- Hyllestad
- Kinn
- Solund
- Stad
- Stryn
- Sunnfjord
Kommunar utanfor HVL sitt praksisområde
Kommunesamarbeid utanfor HVL sitt praksisområde:
(kun enkelte avtalar, og gjeld praksis i fysioterapi og til dels ergoterapi)
- Arendal
- Eigersund
- Farsund
- Flekkefjord
- Gjesdal
- Hjelmeland
- Klepp
- Kristiansand
- Kvinesdal
- Kvitsøy
- Lund
- Randaberg
- Sandnes
- Sokndal
- Sola
- Stavanger
- Strand
- Time
- Vennesla
Andre offentlege etatar
NAV Vestland
NAV Vestland er ein viktig samarbeidspartnar for HVL, både innan kompetanseutvikling, praksissamarbeid og FOU-arbeid. NAV er representert i fakultetsrådet på FHS.
Kvart år arrangerer NAV og HVL årlege forskingsworkshops, samarbeider om gjennomføring av praksis for studentar, jobbar for å opprette kombinerte stillingar i begge organisasjonane og samarbeider om offentleg PhD.
Bufetat region vest
Det statlege barnevernet (bufdir) tek via bufetat region Vest, imot studentar i praksis i sine barnevernsinstitusjonar både frå barnevernspedagogutdaninga og sosialt arbeid.
Bufdir bidreg òg til å finansiere mentorordninga Nattergalen, som er ei praksisordning for barnevern og sosialt arbeid der studentar følgjer opp barn med minoritetsbakgrunn gjennom eit studieår.
Kriminalomsorgen vest
Studentar på utdanningane i vernepleie, sosialt arbeid, fysioterapi, ergoterapi og master i psykisk helse og rus kan ha praksis i fengsel, friomsorga og i overgangsbustader innanfor Kriminalomsorgen, region Vest.
Private og andre (stiftingar o.l) samarbeidspartnarar
Private rehabiliteringsinstitusjonar
- Røde Kors Haugland Rehabiliteringssenter i Fjaler
- Åstveit Helsesenter i Bergen
- Barnas Fysioterapisenter i Bergen
- Ravneberghaugen, Senter for meistring og rehabilitering i Hagavik
- Rehabilitering Vest
- LHL Nærland
FHS har også avtalar med ulike røntgeninstitutt, fysioterapeutar, barnevernsinstitusjonar, krisesenter, frivillege organisasjonar m.m.
Er du student? Då skal du vidare denne vegen
