Tilskuddsordning for kollektiv kompetanseutvikling i barnehage og grunnopplæring

Det heilskaplege systemet for kompetanse- og karriereutvikling for lærarar og andre tilsette i barnehage og skule blir fasa inn i 2025 og 2026.  Følgande tilskotsordningar inngår i systemet for kompetanse- og karriereutvikling: 

• tilskot til kollektiv kompetanseutvikling i barnehage og grunnskule
• tilskot til kollektiv kompetanseutvikling i vidaregåande opplæring
• tilskot til vidareutdanning i barnehage, grunnskule og vidaregåande opplæring

Kontaktpersonar

Hovudkontaktperson:

Kontaktpersonar – kollektiv kompetanseutvikling:

 

System for kompetanse- og karriereutvikling for tilsette i barnehage og skule

Det heilskaplege systemet for kompetanse- og karriere utvikling byggjer vidare på strategiane som utgår i 2025. Til dømes; Kompetanse for framtidas lærarar, Kompetanse for kvalitet og Yrkesfaglærarløftet.

Målet for systemet er å:

• gje leiarar, lærarar og andre tilsette i barnehage og skule gode moglegheiter for kompetanse- og karriereutvikling gjennom heile arbeidslivet.
• Styrke dei profesjonelle læringsfellesskapa i og mellom barnehagar og skular
• Gjere barnehagar og skular til attraktive arbeidsplassar som rekrutterer og beheld lærarar og andre yrkesgrupper.

Hovudtiltaka i systemet består av profesjonsfaglag vegleiing for nyutdanna lærarar, vidareutdanning, kollektiv kompetanseutvikling, leiarutvikling, spesialiserte roller og funksjonar, og oppfølgingsordninga.

Denne illustrasjon syner at tiltaka skal sjåast i samanheng, bygge på, og forsterke kvarandre og til saman utgjere eit heilskapeleg system for kompetanse og karriere utvikling.

 

Styrka samarbeid gjennom partnarskapsarbeid

Ordninga «kollektiv kompetanseutvikling» har som mål og premiss at samarbeidet mellom lærarutdanningane og praksisfeltet skal styrkast gjennom partnarskapsarbeid.

Eigar sine prioriteringar skal byggje på tilstandsvurderingar og analyser slik at dei tilsette sjølve er med å definerer og prioriterer den kompetanseutviklinga dei treng. I tillegg skal konkrete arbeidsplassbaserte utviklingsopplegg utformast i ein dialog mellom eigar og UH. 

Utviklingsarbeid som femner om heile kollegiet

Kompetansehevinga skal skje i kollektive prosessar og den skal vere arbeidsplassbasert. Dette betyr at utviklingsarbeidet må involvere og femne om heile kollegiet, eller det som er naturlege einingar i skulen og barnehagen, til dømes ei avdeling, eller eit trinn. 

Fakultet for lærarutdanning kultur og idrett ved HVL (FLKI) ser på deltaking og involvering i arbeid retta mot praksisfeltet vårt som viktig for forståing av lærarprofesjonen både blant eige personale og for formidling til grunnutdanningsstudentar.  Samskaping og samhandling mellom praksisfelt og FLKI vil gje god tilgang til relevante problemstillingar knytt til utdanningsforsking og kunnskap om korleis skulane jobbar med profesjonsutvikling og leiing av læringsarbeid.