MASPED3-301 Rettleiing

Innhald og oppbygging

Innhaldet i studiet er:

• Relevante rettleiings- og innovasjonsteoriar på system-, gruppe- og individnivå
• Etiske dilemma og makttilhøve i rettleiing
• Innsikt og trening i grunnleggande rettleiingsmetodar
• Kommunikasjon, relasjon og samspel

Læringsutbytte

Etter avslutta emne skal studenten:

• ha inngåande kunnskap om rettleiings- og innovasjonsprosessar på individ-, gruppe- og systemnivå
• kunne leggje til rette for og gjennomføre ein rettleiings- og innovasjonsprosess
• kunne analysere og forhalde seg kritisk til eigen praksisteori som rettleiar og innovatør innan det spesialpedagogiske fagfeltet
• kunne kommunisere faglege problemstillingar, analysar og konklusjonar knytt til spesialpedagogisk rettleiing og innovasjon med både spesialistar og allmenta

Tilrådde forkunnskapar

Ingen ut over dei som følgjer av opptak

Undervisnings- og læringsformer

Undervisninga vil variere mellom førelesingar, seminar og gruppeøvingar med grunnlag i kasus med bruk av rollespel og videoopptak. Vi føreset at studentane deltek aktivt og sjølvstendig i alle undervisningsformer.

Obligatorisk læringsaktivitet

Gjennomføring av feltarbeid, 5 dagar Ein individuell fagtekst og framlegg med utgangspunkt i feltarbeidet Ei skriftleg gruppeoppgåve knytt til rettleiings- og innovasjonsteori Fire grupperettleiingar med video og individuelle refleksjonsnotat Deltaking på fire samlingar på tre timar i lokale grupper med individuelle refleksjonsnotat etter kvar samling

Vurderingsform

MASPED3-301-MU: Individuell munnleg eksamen. Gjennomføring av rettleiing i gruppe med påfølgjande individuell samtale knytt til rettleiing og pensum.

Bokstavkarakter, A-F.