PS117 Psykososialt arbeid med barn i alderen 0-4 år

Innhald og oppbygging

 

 

Studiet vil gå over 2 semester

 

Semester : 4 fellessamlingar a 2 dagar

Semester : 6 fellessamlingar a 2 dagar

 

Tema

 

Tidleg samspel og sped- og småbarnsutvikling. Tilknyting og psykisk helse. Modellar for utvikling og omgrep innan fagfeltet

Utviklingsforstyrringar, biomedisinsk risiko, reguleringsvanskar, risikofaktorar og beskyttelsesfaktorar

Foreldreskapet som utviklingsprosess. Samspel og omsorg ved risikofaktorar eller vanskar hos foreldre. Samspel og omsorg ved biomedisinske tilstandar hos barnet

Kartleggingsmetodar i vurdering av barnet si psykiske helse

Førebygging og ulike modellar for intervensjon og behandlingstiltak

Alliansebygging og samhandling med familiar og nettverk i utviklingsstøtte og oppfølging av barnet

Tverrfagleg og tverretatleg samarbeid kring familiar som treng oppfølging i endring og utvikling.

Evaluering av eige arbeid

Læringsutbytte

 

 

Kunnskap

 

Inngåande kunnskap om nyare forsking og teori kring aldersgruppa 0-4 år og om arbeid med sped- og småbarn og deira familiar

Avansert kunnskap om utvikling av sped- og småbarn si psykiske helse og klinisk forståing i forhold til nyare utviklingspsykologi og utviklingspsykopatologi med vekt på transaksjonsmodellen

Avansert kunnskap om kva innverknad ressursar og risiko, beskyttelse og belasting har å seie for normal- og problemutvikling

Spesialisert kunnskap om kartlegging av barn si utvikling og samspel ved hjelp av aktuelle kartleggingsverktøy og kartleggingsmetodar

Inngåande kunnskap om førebygging med særlig vekt på omsorg og utviklingsstøttande samspel

Spesialisert kunnskap om behandlingsmetodar for den aktuelle aldersgruppa

 

Ferdigheiter

 

Identifisere sped- og småbarn i risiko for utvikling av psykiske lidingar

Identifisere og analysere omsorgssvikt

Bruke ulike kartleggingsverktøy, samt analysere og gi tilbakemelding om resultat på følgjande:

Child Behavior Checklist (CBCL)

Caregiver-Teacher Report Form (C-TRF)

Ages and Stages Questionnaires (ASQ),

Ages and Stages Questionnaires , Social-Emotional Scale (ASQ-SE)

Vurdere forsking og faglitteratur kritisk, vurdere kva som er nyttig teori i arbeid med barn og unge

Nytte relevante metodar for fagleg utviklingsarbeid på ein sjølvstendig måte og formulere faglege resonnement

Vektlegge familieperspektivet, vurdere handlingsalternativ og etablere eigna tiltak og intervensjonsformer

Fremje familien sine ressursar og deira mestringsevne

Avansert evne til kritisk refleksjon over eiga hjelparrolle

Inngå i eit forpliktande samarbeid med andre instansar på tvers av faggrupper og nivå

 

Generell kompetanse

 

Utvida kompetanse om sped- og småbarns psykiske helse og etisk medvit på individ,-gruppe og systemnivå

Kommuniserer og deltek i analysar kring sped- og småbarn si utvikling i drøfting med føresette, kollegaer og fagpersonar i kommunale etatar og spesialisthelsetenesta

Brei kompetanse i forhold til vurdering av samarbeidsinstansar og val av eigna hjelpetiltak

Reflektere over utfordringar og muligheiter i tverrfagleg og tverretatleg praksis

Innsikt i eiga rolle som profesjonsutøvar i relasjon til sped- og småbarn og deira familiar samt andre profesjonar sine kunnskapsområde og roller

Bidra til nytenking og innovasjonsprosessar i sped- og småbarns feltet

Krav til forkunnskapar

 

 

Treårig høgskule- eller universitetsutdanning. Ein må arbeide minst 40% med aldersgruppa 0-4 og /eller deira familiar.

Undervisnings- og læringsformer

 

 

Samlingane vil variere mellom førelesing, gruppeøving, gruppearbeid med kasusframlegg/videopresentasjon. Rettleiingsgruppene vert leia av kliniske spesialistar innan sped- og småbarnsfeltet med relevant erfaring frå klinisk arbeid med barn i aldersgruppa 0-4 år.

 

Aktiv studentdeltaking samt sjølvstendige litteraturstudium mellom samlingane er nødvendig for å nå læringsutbyta i studiet.

Obligatorisk læringsaktivitet

Alle arbeidskrav skal vere godkjende før kandidaten kan levere oppgåve til sluttvurdering.

 

80% frammøte til undervising og rettleiingsgrupper

100% frammøte ved opplæring i standardiserte kartleggingsverktøy

Framlegg av klinisk arbeid/videopresentasjon i rettleiingsgrupper

Skriftleg vurdering av sjølvvald forskingsartikkel med relevans til studiet. Omfang 1500 ord, +/- 10 %.

Ved oppstart av andre semester skal studenten levere problemstilling og framdriftsplan for individuell skriftleg oppgåve

Vurderingsform

 

 

Ei individuell skriftleg oppgåve over sjølvalt fordjupingstema med relevans for studiet. Oppgåva skal byggje på teoretisk og forskingsbasert kunnskap og relaterast til problemstillingar på eigen arbeidsplass.

 

Problemstilling for oppgåva skal godkjennast av fagansvarleg. Omfang 4500 ord, +/- 10 %. Gradert karakter A-F

 

Studenten har rett på 2 timar rettleiing på oppgåva, der 1 time rettleiing er obligatorisk.